2 Samuel 14:17

Ang Biblia 2011

Unya ang imong sulugoon naghunahuna, ‘Ang pulong sa akong agalong hari mahimong makahupay kanako,’ kay ang akong agalon nga hari sama man sa anghel Dios, nasayod sa daotan ug maayo. Ang Ginoo nga imong Dios mag-uban kanimo!”

Cross References

2 Samuel 14:18

Unya ang hari mitubag sa babaye, “Ayaw itago gikan kanako ang butang nga akong ipangutana kanimo.” Ug ang babaye miingon, “Pasultiha ang akong agalong hari karon.”

2 Samuel 14:20

Aron mausab ang kahimtang sa hitabo, ang imong sulugoon nga si Joab maoy mihimo niining butanga. Apan ang akong agalon adunay kaalam sama sa kaalam sa usa ka anghel sa Dios sa pag-ila sa tanang mga butang nga anaa sa yuta.”

2 Samuel 19:27

Iyang gibutangbutangan ang imong sulugoon ngadto sa akong agalon nga hari. Apan ang akong agalon nga hari sama sa usa ka anghel sa Dios, busa buhata ang bisan unsa nga maayo alang kanimo.

2 Samuel 19:28

Kay ang tibuok balay sa akong amahan sama lamang sa mga tawo nga patyonon sa atubangan sa akong agalon nga hari apan gipahimutang nimo ang imong sulugoon uban kanila nga nagkaon diha sa imong lamisa. Busa unsa pa man ang katungod nga ania kanako aron mohilak pa ako ngadto sa hari?”

1 Mga Hari 3:28

Ug ang tibuok Israel nakadungog sa hukom nga gihatag sa hari ug sila nangahadlok sa hari kay nakita nila ang kaalam sa Dios diha kaniya sa paghatag ug hustisya.

1 Mga Hari 3:9

Busa hatagi ang imong sulugoon ug usa ka kasingkasing nga may pagpanabot aron sa pagdumala sa imong katawhan, aron maila nako ang kalainan sa maayo ug daotan, kay kinsay makahimo sa pagdumala niining imong dakong katawhan?”

Job 6:30

Aduna bay dili matarong sa akong dila? Dili ba maila sa akong dila ang katalagman?

Mga Panultihon 27:21

Ang tunawan alang sa plata, ang hudno alang sa bulawan, ug ang tawo hukman pinasikad sa iyang pagdayeg.

Mga Panultihon 29:5

Ang tawo nga nag-ulog-ulog sa iyang silingan nagbukhad ug pukot alang sa iyang mga tiil.

Mga Hebreo 5:14

Apan ang gahing pagkaon alang sa mga hamtong, alang kanila nga ang mga salabotan nabatid pinaagi sa pagbansay sa pag-ila sa maayo gikan sa daotan.

Josue 1:17

Ingon nga kami mituman kang Moises sa tanang butang, motuman usab kami kanimo. Mag-uban lamang unta kanimo ang Ginoo nga imong Dios ingon nga siya nag-uban kang Moises.

1 Samuel 29:9

Ug si Akis mitubag kang David, “Ako nahibalo nga ikaw walay sala sa akong panan-aw sama sa usa ka anghel sa Dios, apan bisan pa niini, ang mga tigmando sa mga Filistihanon nag-ingon, ‘Siya dili makauban kanato ngadto sa gubat.’