2 Samuel 14:1

Ang Biblia 2011

Karon si Joab nga anak ni Zeruia nakasabot nga ang kasingkasing sa hari atua kang Absalom.

Cross References

2 Samuel 13:39

Ug ang kalag sa hari nangandoy sa pag-adto kang Absalom, kay siya nahupay na mahitungod kang Amnon, sa pagtan-aw nga siya patay na.

2 Samuel 14:2

Ug si Joab nagpaadto ngadto sa Tekoa, ug gipakuha gikan didto ang usa ka maalamong babaye ug miingon kaniya, “Pagpakaaron-ingnon nga nagbangutan ikaw ug pagsul-ob ug bisti sa pagbangutan; ayaw dihogi ang imong kaugalingon ug lana, apan pagpakaaron-ingnon nga ikaw usa ka babaye nga dugay nang nagbangutan tungod sa namatay.

2 Samuel 18:33

Ug natay-og pag-ayo ang pagbati sa hari ug misaka ngadto sa lawak nga didto sa ibabaw sa ganghaan ug mihilak. Ug sa iyang pag-adto, siya miingon, “O akong anak nga Absalom, anak ko, anak kong Absalom! Maayo pa unta kon ako ang namatay sa imong dapit ug dili ikaw, O Absalom, anak ko, anak ko!”

2 Samuel 19:2

Ug ang pagdaog niadtong adlawa nahimong kasubo sa tibuok katawhan, kay ang katawhan nakadungog niadtong adlawa, “Ang hari nagbangutan alang sa iyang anak nga lalaki.”

2 Samuel 19:4

Ang hari nagtabon sa iyang nawong, ug ang hari mihilak sa kusog nga tingog, “O anak ko nga Absalom, O Absalom, anak ko, anak ko!”

2 Samuel 2:18

Didto ang tulo ka anak nga lalaki ni Zeruia, si Joab, si Abisai ug si Asahel. Kini si Asahel daw lagsaw nga kusog kaayong modagan.

1 Cronicas 2:16

ug ang ilang mga igsoong babaye mao si Zeruia ug si Abigail. Tulo ka buok ang mga anak nga lalaki ni Zeruia: si Abisai, si Joab ug si Asael.

Mga Panultihon 29:26

Daghan ang nangita sa kahimuot sa pangulo, apan ang tawo nagdawat ug hustisya gikan sa Ginoo.