2 Samuel 13:9

Ang Biblia 2011

Ug iyang gikuha ang mga torta ug gidulot kini sa iyang atubangan, apan nagdumili siya sa pagkaon. Ug si Amnon miingon, “Papahawaa ang tanang mga tawo gikan kanako.” Busa ang matag usa kanila namahawa.

Cross References

Genesis 45:1

Unya si Jose wala na makapugong sa iyang kaugalingon sa atubangan sa tanan nga diha sa iyang duol ug siya misinggit, “Papahawaa ninyo ang tanan.” Ug didto wala nay bisan kinsa nga nahibilin sa dihang si Jose nagpaila sa iyang kaugalingon ngadto sa iyang mga igsoon.

2 Samuel 13:10

Unya si Amnon miingon kang Tamar, “Dad-a ang pagkaon ngadto sa lawak aron ako mokaon gikan sa imong kamot.” Ug gikuha ni Tamar ang mga torta nga iyang gibuhat, ug gidala niya didto sa sulod ngadto sa iyang igsoon nga lalaki nga si Amnon.

2 Samuel 13:8

Busa si Tamar miadto sa balay sa iyang igsoon nga si Amnon diin siya naghigda. Ug nagkuha siya ug harina, ug nagmasa niini, ug naghimo ug torta sa iyang atubangan, ug nagluto niini.

Juan 3:20

Kay ang tanan nga nagbuhat ug daotan nagdumot sa kahayag, ug dili moduol sa kahayag, kay tingali unya ug madayag ang ilang mga binuhatan.

Mga Maghuhukom 3:19

Apan siya gayod mibalik gikan sa mga kinulitan nga bato duol sa Gilgal, ug miingon, “Ako adunay usa ka tinago nga mensahe alang kanimo, O hari.” Ug siya misugo, “Paghilom.” Ug ang tanan niyang mga sulugoon namahawa gikan kaniya.