2 Samuel 13:4

Ang Biblia 2011

Ug siya miingon kaniya, “O anak sa hari, nganong subo man kaayo ang imong nawong matag buntag? Dili mo ba ako suginlan?” Ug si Amnon miingon kaniya, “Ako nahigugma kang Tamar, ang igsoon nga babaye sa akong igsoon nga si Absalom.”

Cross References

2 Samuel 13:3

Apan si Amnon may usa ka higala, nga ginganlan ug Jonadab nga anak ni Simeas nga igsoon ni David, ug si Jonadab igmat kaayo nga tawo.

2 Samuel 13:5

Si Jonadab miingon kaniya, “Higda sa imong higdaanan ug pagpasakitsakit ug kon ang imong amahan moanhi aron sa pagtan-aw kanimo, ingna siya, ‘Paanhia ang akong igsoon nga babaye nga si Tamar, aron maoy maghatag kanako ug pan aron kaonon, ug mag-andam ug pagkaon sa akong atubangan aron makita ko kini ug kaonon kini gikan sa iyang kamot.’ ”

1 Mga Hari 21:5

Apan si Jesebel nga iyang asawa miadto kaniya ug miingon kaniya, “Ngano nga ang imong espiritu masulub-on kaayo nga ikaw dili na gani mokaon?”

1 Mga Hari 21:7

Ug si Jesebel nga iyang asawa miingon kaniya, “Nagdumala ba ikaw karon sa gingharian sa Israel? Tindog, kaon ug pan ug lipaya ang imong kasingkasing. Akong ihatag kanimo ang parasan ni Nabot nga Jesreelhanon.”

Isaias 3:9

Ang ilang pagdapig nagsaksi batok kanila; gipasundayag nila ang ilang sala sama sa Sodoma, wala nila kini taboni. Alaot sila! kay nagdala sila ug daotan sa ilang kaugalingon.

Jeremias 8:12

Nangaulaw ba sila sa diha nga nagbuhat sila sa dulumtanan? Wala, wala gayod sila mangaulaw, dili sila mahibalong manglipaghong. Busa mangapukan sila uban niadtong nangapukan; sa diha nga silotan nako sila, sila mangapukan, nag-ingon ang Ginoo.

Levitico 18:9

Ayaw buksi ang pagkahubo sa imong igsoon nga babaye, ang anak nga babaye sa imong amahan o ang anak nga babaye sa imong inahan, nga natawo sa balay o natawo sa gawas kay sila imo man nga mga igsoon.

Levitico 20:17

“Kon ang usa ka tawo magkuha sa iyang igsoon nga babaye nga anak sa iyang amahan o anak nga babaye sa iyang inahan ug makakita sa iyang kahubo ug ang babaye makakita sa kahubo sa lalaki, ang maong butang makauulaw ug hinginlan sila gikan sa panan-aw sa mga anak sa ilang katawhan. Kay gibuksan man niya ang pagkahubo sa iyang igsoon nga babaye, pas-anon niya ang iyang pagkasad-an.

Miqueas 7:3

Ang ilang mga kamot anaa sa kadaotan, aron sa pagbuhat niini nga makugihon; ang pangulo ug ang maghuhukom nangayo ug suborno, ug ang tawong gamhanan nagpahayag sa daotang tinguha sa iyang kalag, sa ingon gilangkob nila kini.

Lucas 12:32

“Ayaw kahadlok, gamayng panon, kay gikahimuot sa inyong Amahan ang paghatag kaninyo sa gingharian.