2 Samuel 13:3

Ang Biblia 2011

Apan si Amnon may usa ka higala, nga ginganlan ug Jonadab nga anak ni Simeas nga igsoon ni David, ug si Jonadab igmat kaayo nga tawo.

Cross References

Genesis 3:1

Karon, ang bitin labawng malinglahon kay sa tanang ihalas nga mananap nga gibuhat sa Ginoong Dios. Ug miingon siya sa babaye, “Nag-ingon ba ang Dios, ‘Dili kamo makakaon gikan sa bisan unsa nga kahoy sa tanaman’?”

Genesis 38:1

Niadtong panahona si Juda milugsong gikan sa iyang mga igsoon ug mipuyo tupad sa usa ka Adulamhanon nga ginganlan ug Hira.

Genesis 38:20

Sa dihang gipadala ni Juda ang nati nga kanding pinaagi sa iyang higala nga Adulamhanon, aron sa pagkuha sa pasalig gikan sa kamot sa babaye, wala kini niya makit-i.

2 Samuel 13:2

Ug si Amnon nahasol pag-ayo ug nasakit siya tungod sa iyang igsoon nga si Tamar kay siya usa ka ulay ug lisod alang kang Amnon ang paghimo ug bisan unsa kaniya.

2 Samuel 13:32

Apan si Jonadab nga anak ni Simeas, igsoon ni David, miingon, “Dili unta maghunahuna ang akong agalon nga ilang napatay ang tanang mga batan-ong anak nga lalaki sa hari kay si Amnon mao lamang ang namatay, kay gilaraw na kini ni Absalom sukad pa sa adlaw nga gilugos ni Amnon ang iyang igsoon nga babaye nga si Tamar.

2 Samuel 13:4

Ug siya miingon kaniya, “O anak sa hari, nganong subo man kaayo ang imong nawong matag buntag? Dili mo ba ako suginlan?” Ug si Amnon miingon kaniya, “Ako nahigugma kang Tamar, ang igsoon nga babaye sa akong igsoon nga si Absalom.”

2 Samuel 14:2

Ug si Joab nagpaadto ngadto sa Tekoa, ug gipakuha gikan didto ang usa ka maalamong babaye ug miingon kaniya, “Pagpakaaron-ingnon nga nagbangutan ikaw ug pagsul-ob ug bisti sa pagbangutan; ayaw dihogi ang imong kaugalingon ug lana, apan pagpakaaron-ingnon nga ikaw usa ka babaye nga dugay nang nagbangutan tungod sa namatay.

2 Samuel 21:21

Sa dihang gibugalbugalan niya ang Israel, si Jonatan nga anak ni Simeas nga igsoon ni David mipatay kaniya.

1 Cronicas 2:13

Si Jesse mao ang amahan ni Eliab nga iyang kamagulangan, si Abinadab ang ikaduha, ug si Simea ang ikatulo,

1 Cronicas 27:32

Si Jonatan nga uyoan ni David, usa ka tigtambag, usa ka tawong maayo ug panabot ug usa ka eskriba, ug si Jehiel nga anak ni Hakmoni mao ang nag-atiman sa mga anak nga lalaki sa hari.

Ester 5:10

Apan si Haman nagpugong sa iyang kaugalingon ug mipauli ug iyang gipaadto ug gipadala ang iyang mga higala ug si Zeres nga iyang asawa.

Ester 5:14

Unya si Zeres nga iyang asawa ug ang tanan niyang mga higala miingon kaniya, “Ipabuhat ang usa ka bitayan nga 50 ka maniko ang gihabogon, ug sa pagkabuntag sultihi ang hari nga ipabitay si Mardoqueo niini; unya lakaw nga malipayon uban sa hari ngadto sa kombira.” Kining tambaga nakapahimuot kang Haman ug iyang gipabuhat ang bitayan.

Ester 6:13

Ug si Haman misugilon kang Zeres nga iyang asawa ug sa tanan niyang mga higala sa tanan nga nahitabo kaniya. Unya ang iyang mga maalamong tawo ug si Zeres nga iyang asawa miingon kaniya, “Kon si Mardoqueo nga imong gisugdan sa pagyukbo sakop sa katawhan sa mga Judio, dili ka modaog batok kaniya, kondili mahulog gayod ikaw sa atubangan niya.”

Mga Panultihon 19:6

Daghan ang mangita sa kaluoy sa mahinatagon nga tawo, ug ang matag usa higala sa tawo nga manghatag ug mga gasa.

Jeremias 4:22

“Kay ang akong katawhan mga buangbuang, wala sila makaila kanako; sila hungog nga mga anak, ug wala silay mga salabotan. Sila mga batid sa pagbuhat ug kadaotan, apan sa pagbuhat ug maayo sila walay kahibalo.”

1 Mga Taga-Corinto 3:19

Kay ang kaalam niining kalibotana binuang alang sa Dios. Kay nasulat, “Iyang dakpon ang mga maalamon diha sa ilang pagkamaalamon.”

Santiago 3:15

Dili kini mao ang kaalam nga naggikan sa kahitas-an kondili yutan-on, tawhanon ug yawan-on.

Mga Maghuhukom 14:20

Apan ang asawa ni Samson gihatag ngadto sa iyang kauban nga abay sa iyang kasal.

1 Samuel 16:11

Si Samuel miingon kang Jesse, “Ania ba dinhi ang tanan nimong mga anak?” Ug siya miingon, “Aduna pay nahibilin nga kamanghoran ug atua siya nagbantay sa mga karnero.” Ug si Samuel miingon kang Jesse, “Pasugoi ug ipakuha siya, kay dili kita manglingkod hangtod nga moabot siya dinhi.”

1 Samuel 16:9

Unya gipaagi ni Jesse si Samma. Ug siya miingon, “Wala usab magpili niini ang Ginoo.”