2 Samuel 13:22

Ang Biblia 2011

Apan si Absalom wala mosulti kang Amnon sa maayo o sa daotan; kay si Absalom nagdumot kang Amnon tungod kay iyang gilugos ang iyang igsoon nga babaye nga si Tamar.

Cross References

Genesis 24:50

Unya si Laban ug si Betuel mitubag, “Kining butanga naggikan sa Ginoo. Dili kami makahimo sa pagsulti kanimo ug daotan o maayo.

Genesis 31:24

Apan ang Dios miadto kang Laban nga Aramhanon pinaagi sa damgo niadtong gabhiona ug miingon kaniya, “Pagmatngon nga dili ikaw magsulti ug usa ka pulong ngadto kang Jacob, maayo o daotan.”

Genesis 31:29

Ania sa akong gahom ang pagbuhat ug daotan kaninyo apan ang Dios sa inyong amahan nagsulti kanako kagabii ug nag-ingon, ‘Pagmatngon nga dili ikaw magsulti kang Jacob ug maayo o daotan.’

2 Samuel 13:21

Sa diha nga si Hari David nakadungog niining tanang mga butanga, siya nasuko sa hilabihan.

Mga Panultihon 10:18

Siya nga nagtago sa pagdumot adunay bakakon nga mga ngabil, ug siya nga nagsulti ug usa ka butangbutang usa ka buangbuang.

Mga Panultihon 25:9

Pakiglantugi sa imong katungod uban sa imong isigkatwo lamang, ug ayaw ibutyag ang tinago sa lain;

Mga Panultihon 26:24

Siya nga nagdumot, nagpakaaron-ingnon pinaagi sa iyang mga ngabil ug nagtago ug limbong sa iyang kasingkasing;

Mga Panultihon 26:26

bisan pa ug ang iyang pagdumot matabonan ug limbong, ang iyang pagkadaotan madayag diha sa katilingban.

Ecclesiastes 7:9

Ayaw kasuko dayon, kay ang kasuko nagpuyo diha sa sabakan sa mga buangbuang.

Mateo 18:15

“Kon ang imong igsoon makasala batok kanimo, lakaw, sultihi siya sa iyang sayop tali kanimo ug kaniya lamang. Kon maminaw siya kanimo, nadani nimo siya.

Mga Taga-Efeso 4:26

Kasuko kamo apan ayaw pagpakasala tungod niini, ayaw pasalopi sa adlaw ang inyong kasuko,

Mga Taga-Efeso 4:31

Isalikway ninyo ang tanang kayugot ug kasuko ug kapungot ug mga pagsingka ug pagpasipala lakip ang tanang kadaotan,

1 Juan 2:11

Apan siya nga nagdumot sa iyang igsoon, anaa sa kangitngit ug naglakaw diha sa kangitngit ug wala siya mahibalo kon asa siya padulong, kay ang kangitngit mibuta man sa iyang mga mata.

1 Juan 2:9

Siya nga nag-ingon nga anaa siya sa kahayag apan nagdumot sa iyang igsoon, kini siya anaa pa gihapon sa kangitngit.

1 Juan 3:10

Maila kon kinsa ang mga anak sa Dios ug kinsa ang mga anak sa yawa pinaagi niini: si bisan kinsa nga wala magbuhat ug matarong ug wala mahigugma sa iyang igsoon, dili iya sa Dios.

1 Juan 3:12

ug dili sama kang Cain nga iya sa daotan ug mipatay sa iyang igsoon. Ug nganong gipatay man niya ang iyang igsoon? Tungod kay daotan man ang iyang binuhatan ug matarong ang iyang igsoon.

1 Juan 3:15

Ang tanan nga nagdumot sa iyang igsoon mamumuno, ug kamo nasayod nga ang matag mamumuno walay kinabuhing dayon nga nagpabilin diha kaniya.