2 Samuel 13:21

Ang Biblia 2011

Sa diha nga si Hari David nakadungog niining tanang mga butanga, siya nasuko sa hilabihan.

Cross References

Genesis 34:7

Unya ang mga anak ni Jacob miabot gikan sa kapatagan. Sa dihang nahibaloan nila kini, nangasuko ang mga lalaki ug napungot kay gibinuangan ni Sekem ang Israel pinaagi sa paglugos sa anak nga babaye ni Jacob, kay ang maong butang dili angay nga buhaton.

Genesis 35:22

Samtang nagpuyo si Israel niadtong yutaa, si Ruben misulod ug mihigda uban kang Bilha nga puyopuyo sa iyang amahan ug nadunggan kini ni Israel. Ang mga anak nga lalaki ni Israel napulo ug duha.

2 Samuel 12:10

Busa karon ang espada dili mobiya gikan sa imong balay, tungod kay imo akong gitamay ug gikuha nimo ang asawa ni Uria nga Hitihanon aron imong maasawa.’

2 Samuel 12:5

Ug si David nasuko sa hilabihan gayod batok sa tawo ug siya miingon kang Natan, “Ingon nga ang Ginoo buhi, ang tawo nga nagbuhat niini angay nga patyon.

2 Samuel 13:20

Unya ang iyang igsoon nga si Absalom miingon kaniya, “Uban ba kanimo si Ammon nga imong igsoon? Karon paghilom, igsoon ko, kay siya imong igsoon; ayaw ibutang kining butanga sa kasingkasing.” Busa si Tamar nagpabilin nga masulub-on didto sa balay sa iyang igsoon nga lalaki nga si Absalom.

2 Samuel 13:22

Apan si Absalom wala mosulti kang Amnon sa maayo o sa daotan; kay si Absalom nagdumot kang Amnon tungod kay iyang gilugos ang iyang igsoon nga babaye nga si Tamar.

Salmo 101:8

Sa matag buntag laglagon nako ang tanang daotan sa yuta, aron sa pagpahimulag sa tanang tigbuhat ug daotan gikan sa siyudad sa Ginoo.

1 Samuel 2:29

Nganong gitamay ninyo ang mga inihaw ug mga halad alang kanako nga akong gisugo, ug nagpasidungog sa imong mga anak nga lalaki labaw kay kanako pinaagi sa pagpatambok sa inyong kaugalingon sa mga piniling bahin sa matag halad sa akong katawhan nga Israel?’