2 Samuel 13:19

Ang Biblia 2011

Ug si Tamar nagbutang ug abo sa iyang ulo, ug gigisi niya ang bisti nga taas nga iyang gisul-ob ug iyang gibutang ang iyang kamot sa iyang ulo ug milakaw nga naghilak pag-ayo.

Cross References

Genesis 37:29

Sa pagbalik ni Ruben ngadto sa gahong, nakita niya nga si Jose wala na didto ug gigisi niya ang iyang mga bisti.

2 Samuel 1:11

Unya gikuptan ni David ang iyang mga bisti ug gipanggisi kini, ug mao usab ang gibuhat sa tanang mga tawo nga diha uban kaniya.

2 Samuel 1:2

Ug sa ikatulo nga adlaw, dihay usa ka tawo nga miabot gikan sa kampo ni Saul, nga ang iyang mga bisti gisi ug may yuta sa ibabaw sa iyang ulo. Ug sa pag-abot niya didto kang David, mihapa siya sa yuta ug naghatag ug katahoran.

2 Samuel 13:20

Unya ang iyang igsoon nga si Absalom miingon kaniya, “Uban ba kanimo si Ammon nga imong igsoon? Karon paghilom, igsoon ko, kay siya imong igsoon; ayaw ibutang kining butanga sa kasingkasing.” Busa si Tamar nagpabilin nga masulub-on didto sa balay sa iyang igsoon nga lalaki nga si Absalom.

Ester 4:1

Sa nahibaloan ni Mardoqueo ang tanan nga nabuhat, gigisi niya ang iyang mga bisti ug nagsul-ob siya ug sako ug nagbutang ug mga abo ug miadto sa kinataliwad-an sa siyudad, ug mitiyabaw sa usa ka kusog ug pait nga paghilak.

Job 2:12

Sa pagkakita nila kaniya sa layo, wala sila makaila kaniya, naninggit sila ug nanghilak. Ilang gigisi ang ilang bisti ug gisabligan ug abog ang ilang mga ulo paingon sa langit.

Job 42:6

tungod niini, gitamay nako ang akong kaugalingon, ug naghinulsol diha sa abog ug sa abo.”

Jeremias 2:37

Gikan usab didto ikaw mobiya nga ang imong mga kamot ibabaw sa imong ulo, kay ang Ginoo nagsalikway niadtong imong gisaligan ug dili ikaw mouswag pinaagi kanila.

Josue 7:6

Ug gigisi ni Josue ang iyang mga bisti ug mihapa sa yuta sa atubangan sa sudlanan sa Ginoo hangtod sa kahaponon, siya ug ang mga kadagkoan sa Israel. Ug gibutangan nila ug abog ang ilang mga ulo.

1 Samuel 4:12

Dihay usa ka tawo sa Benjamin nga miikyas gikan sa panon sa kasundalohan ug miadto sa Silo sa maong adlaw, ang iyang bisti gisi ug may yuta sa ibabaw sa iyang ulo.