2 Samuel 13:14

Ang Biblia 2011

Apan wala siya mamati kaniya, ug tungod kay labaw man siya ka kusgan kay kaniya, iyang gilugos siya ug midulog kaniya.

Cross References

Genesis 34:2

Ug sa dihang nakita siya ni Sekem nga anak ni Hamor nga Hibihanon, ang pangulo sa yuta, gidakop niya si Dina ug gipadulog kaniya ug gipanamastamasan.

2 Samuel 12:11

Tungod niini ang Ginoo nag-ingon, ‘Tan-awa, patunghaon nako ang daotan batok kanimo gikan sa imong kaugalingong balay ug akong kuhaon ang imong mga asawa sa atubangan sa imong mga mata ug ihatag nako sila ngadto sa imong silingan ug siya mohigda tipon sa imong mga asawa sa adlawng dako.

2 Samuel 13:15

Unya si Amnon nagdumot kaniya sa hilabihan gayod nga pagdumot, kay ang pagdumot nga iyang gibati batok kaniya labaw pa ka dako kay sa gugma nga iyang gibati kaniya. Ug si Amnon miingon kaniya, “Bangon ug lakaw.”

Ester 7:8

Unya ang hari mibalik gikan sa tanaman sa balay sa hari ngadto sa dapit diin sila nag-inom sa bino samtang si Haman nag-akbo sa sopa diin didto sa Ester. Unya miingon ang hari, “Iya ba diayng panamastamasan ang rayna sa akong atubangan, dinhi sa akong kaugalingong balay?” Samtang ang mga pulong migula sa baba sa hari, ilang gitabonan ang nawong ni Haman.

Levitico 18:9

Ayaw buksi ang pagkahubo sa imong igsoon nga babaye, ang anak nga babaye sa imong amahan o ang anak nga babaye sa imong inahan, nga natawo sa balay o natawo sa gawas kay sila imo man nga mga igsoon.

Deuteronomio 27:22

“ ‘Tinunglo ang makighilawas sa iyang igsoong babaye, anak sa iyang amahan o anak sa iyang inahan.’ Ug ang tanang katawhan moingon, ‘Amen!’

Mga Maghuhukom 20:5

Ug ang mga tawo sa Gibea miadto batok kanako ug gilibotan ang balay nianang pagkagabii. Sila buot mopatay kanako, ug ilang gipanamastamasan ang akong puyopuyo ug siya namatay.