2 Samuel 13:12

Ang Biblia 2011

Siya mitubag kaniya nga nag-ingon, “Dili, igsoon ko, ayaw ako pugsa, kay walay butang nga ingon niana nga gibuhat dinhi sa Israel. Ayaw buhata kining mapatuyangong binuanga.

Cross References

Genesis 34:2

Ug sa dihang nakita siya ni Sekem nga anak ni Hamor nga Hibihanon, ang pangulo sa yuta, gidakop niya si Dina ug gipadulog kaniya ug gipanamastamasan.

Genesis 34:7

Unya ang mga anak ni Jacob miabot gikan sa kapatagan. Sa dihang nahibaloan nila kini, nangasuko ang mga lalaki ug napungot kay gibinuangan ni Sekem ang Israel pinaagi sa paglugos sa anak nga babaye ni Jacob, kay ang maong butang dili angay nga buhaton.

Mga Panultihon 7:7

ug akong nakita diha sa mga yano, akong namatikdan diha sa mga batan-on, ang usa ka batan-ong lalaki nga walay salabotan,

Jeremias 29:23

tungod kay nagbinoang man sila sa Israel, nanapaw sila sa mga asawa sa ilang mga isigkatawo, ug nagsulti ug mga bakak nga pulong sa akong ngalan nga wala nako isugo kanila. Ako mao ang nahibalo ug ang saksi, nag-ingon ang Ginoo.”

Levitico 18:11

Ayaw buksi ang pagkahubo sa anak nga babaye sa asawa sa imong amahan nga anak sa imong amahan, siya imong igsoon nga babaye.

Levitico 18:9

Ayaw buksi ang pagkahubo sa imong igsoon nga babaye, ang anak nga babaye sa imong amahan o ang anak nga babaye sa imong inahan, nga natawo sa balay o natawo sa gawas kay sila imo man nga mga igsoon.

Levitico 20:17

“Kon ang usa ka tawo magkuha sa iyang igsoon nga babaye nga anak sa iyang amahan o anak nga babaye sa iyang inahan ug makakita sa iyang kahubo ug ang babaye makakita sa kahubo sa lalaki, ang maong butang makauulaw ug hinginlan sila gikan sa panan-aw sa mga anak sa ilang katawhan. Kay gibuksan man niya ang pagkahubo sa iyang igsoon nga babaye, pas-anon niya ang iyang pagkasad-an.

Deuteronomio 22:21

dad-on nila ang batan-ong babaye ngadto sa pultahan sa balay sa iyang amahan ug batoon siya sa mga tawo sa iyang lungsod hangtod mamatay kay nagbuhat siya ug sala ngadto sa Israel, pinaagi sa pagpakighilawas didto sa balay sa iyang amahan. Sa ingon niini, puohon ninyo ang daotan gikan sa inyong taliwala.

Deuteronomio 22:29

ang lalaki nga nakighilawas kaniya mohatag sa amahan sa batan-ong babaye ug 50 ka siklo nga plata ug siya mahimo niyang asawa kay gipanamastamasan niya siya. Dili niya siya isalikway sa tanan niyang mga adlaw.

Mga Maghuhukom 19:23

Ug ang tawo, ang tag-iya sa balay, miadto kanila sa gawas ug miingon kanila, “Dili, mga kaigsoonan ko, ayaw kamo pagbuhat sa hilabihang pagkadaotan, sa inyong nakita nga kining tawhana miabot sa akong balay, ayaw ninyo buhata kining ngil-ad nga butang.

Mga Maghuhukom 20:6

Unya akong gidala ang akong puyopuyo ug gihiwahiwa ug gipadala kini sa tibuok yuta nga panulundon sa Israel kay nagbuhat sila ug kangil-aran ug pagpatuyang dinhi sa Israel.