2 Samuel 12:23

Ang Biblia 2011

Apan karon siya patay na, nganong magpuasa pa ako? Makapabalik ba ako kaniya? Moadto ako kaniya apan siya dili na mobalik kanako.”

Cross References

Genesis 37:35

Ug miadto ang tanan niyang mga anak nga lalaki ug babaye aron sa paghupay kaniya apan dili siya buot nga hupayon, ug siya miingon, “Ayaw, mokanaog ako ngadto sa Sheol nga magbangutan tungod sa akong anak.” Ug mihilak ang iyang amahan tungod kaniya.

1 Mga Hari 2:2

“Ako hapit na moadto sa agianan sa tibuok kalibotan. Pagmalig-on ug ipakita ang imong pagkalalaki,

Job 10:21

sa dili pa ako moadto nga dili na mobalik, ngadto sa yuta sa kadulom ug sa lawom nga kangitngit,

Job 30:23

Ako nasayod nga imo akong dad-on ngadto sa kamatayon, ug ngadto sa balay nga gigahin alang sa tanan nga buhi.

Lucas 23:43

Ug si Jesus mitubag kaniya, “Sa pagkatinuod, sultihan ko ikaw, nga karong adlawa adto ikaw sa Paraiso uban kanako.”