2 Samuel 12:20

Ang Biblia 2011

Unya si David mibangon gikan sa yuta ug naligo ug nagdihog sa iyang kaugalingon ug nag-ilis sa iyang bisti. Ug miadto siya sa balay sa Ginoo ug misimba. Unya miadto siya sa iyang kaugalingong balay ug sa dihang nangayo siya, sila midulot ug pagkaon sa iyang atubangan ug siya mikaon.

Cross References

2 Samuel 12:19

Apan sa pagkakita ni David nga ang iyang mga sulugoon naghunghonganay, si David nakasabot nga ang bata patay na ug si David miingon sa iyang mga sulugoon, “Namatay ba ang bata?” Ug sila miingon, “Siya patay na.”

2 Samuel 12:21

Unya ang iyang mga sulugoon miingon kaniya, “Unsang butanga kining imong nabuhat? Ikaw nagpuasa ug naghilak alang sa bata sa buhi pa siya apan sa diha nga namatay na ang bata, ikaw mitindog ug mikaon.”

2 Samuel 14:2

Ug si Joab nagpaadto ngadto sa Tekoa, ug gipakuha gikan didto ang usa ka maalamong babaye ug miingon kaniya, “Pagpakaaron-ingnon nga nagbangutan ikaw ug pagsul-ob ug bisti sa pagbangutan; ayaw dihogi ang imong kaugalingon ug lana, apan pagpakaaron-ingnon nga ikaw usa ka babaye nga dugay nang nagbangutan tungod sa namatay.

2 Samuel 19:24

Si Mefiboset nga anak ni Saul milugsong aron sa pagsugat sa hari ug wala niya mahugasi ang iyang mga tiil o maguntingi ang iyang bungot o malabhi ang iyang mga bisti sukad sa adlaw nga ang hari migikan hangtod sa adlaw nga siya mibalik sa balay nga walay kadaot.

2 Samuel 6:17

Ug ilang gidala ang sudlanan sa kasabotan sa Ginoo, ug gipahiluna kini sa iyang dapit sa sulod sa tolda nga gipatindog ni David alang niini ug si David naghalad ug mga halad nga sunogon ug mga halad sa pakigdait sa atubangan sa Ginoo.

2 Samuel 7:18

Unya si Hari David misulod ug milingkod sa atubangan sa Ginoo, ug miingon, “Kinsa ako, O Ginoong Dios, ug unsa ba ang akong balay nga gidala man nimo ako hangtod niini nga kalayoon?

Job 1:20

Unya si Job mitindog, ug migisi sa iyang bisti, ug mikiskis sa iyang ulo ug mihapa sa yuta ug misimba.

Job 2:10

Apan siya miingon kaniya, “Ikaw nagsulti sama sa sinultihan sa usa sa mga babayeng buang. Modawat ba kita sa maayo gikan sa kamot sa Dios ug dili kita modawat sa daotan?” Niining tanan si Job wala makasala pinaagi sa iyang mga ngabil.

Salmo 103:1

Dayega ang Ginoo, O akong kalag; ug ang tanan nga ania sa sulod nako, dayega ang balaan niyang ngalan!

Salmo 103:8

Ang Ginoo maluluy-on ug puno sa grasya, hinay sa pagkasuko ug madagayaon sa gugmang walay paglubad.

Salmo 39:9

Amang ako; dili ako magbuka sa akong baba, kay ikaw ang nagbuhat niini.

Salmo 95:6

O dali kamo, magsimba ug mangyukbo kita; mangluhod kita sa atubangan sa Ginoo nga atong Magbubuhat!

Mga Panultihon 3:7

Ayaw pagmaalamon sa imong kaugalingong mga mata; kahadloki ang Ginoo, ug palayo gikan sa daotan.

Ecclesiastes 9:8

Himoa nga ang imong mga bisti puti kanunay; ug ayaw itugot nga ang imong ulo makulangan ug lana.

Mateo 6:17

Apan ikaw, sa dihang magpuasa ka, panghiso sa imong ulo ug panghilam-os sa imong nawong

Lucas 7:46

Wala nimo hisoi ug lana ang akong ulo, apan ang akong mga tiil iyang gidihogan ug pahumot.

Ruth 3:3

Busa kaligo ug pagpahumot ug isul-ob ang imong labing maayong bisti ug lakaw ngadto sa giokanan. Apan ayaw pagpaila sa imong kaugalingon ngadto sa tawo hangtod nga siya makakaon na ug makainom.

1 Samuel 15:25

Busa karon, ako nag-ampo, pasayloa ang akong sala, ug balik uban kanako aron ako mosimba sa Ginoo.”

1 Samuel 15:31

Busa si Samuel mibalik uban kang Saul, ug si Saul misimba sa Ginoo.