2 Samuel 12:17

Ang Biblia 2011

Ug ang mga kadagkoan sa iyang balay nanindog tupad kaniya aron sa pagpatindog kaniya gikan sa yuta, apan midumili siya ug wala mokaon ug pagkaon uban kanila.

Cross References

Genesis 24:2

Ug miingon si Abraham sa iyang sulugoon, sa labing tigulang sa iyang panimalay nga maoy tinugyanan sa tanan niyang kabtangan, “Ibutang ang imong kamot sa ilalom sa akong paa,

Genesis 37:35

Ug miadto ang tanan niyang mga anak nga lalaki ug babaye aron sa paghupay kaniya apan dili siya buot nga hupayon, ug siya miingon, “Ayaw, mokanaog ako ngadto sa Sheol nga magbangutan tungod sa akong anak.” Ug mihilak ang iyang amahan tungod kaniya.

2 Samuel 12:18

Ug sa ikapito nga adlaw, ang bata namatay. Ang mga sulugoon ni David nahadlok sa pagsugilon kaniya nga ang bata patay na kay sila miingon, “Tan-awa, samtang buhi pa ang bata kita misulti kaniya ug wala siya mamati kanato. Unsaon man unya nato pagsulti kaniya nga ang bata patay na? Basin ug magbuhat siya ug kadaot sa iyang kaugalingon.”

2 Samuel 3:35

Unya ang tibuok katawhan miadto aron sa pag-aghat kang David sa pagkaon ug pan samtang adlaw pa, apan si David nanumpa nga nag-ingon, “Ang Dios magbuhat sa ingon ngari kanako ug labaw pa kon ako motilaw ug pan o bisan unsa hangtod nga ang adlaw mosalop!”

Salmo 102:4

Ang akong kasingkasing gisamaran ug nalaya sama sa balili; nalimot ako pagkaon sa akong pan.

Daniel 6:18

Unya ang hari miadto sa iyang palasyo, ug nagpuasa sa tibuok nga gabii, walay mga paglingaw nga gidala kaniya ug ang katulogon mibiya kaniya.

1 Samuel 28:23

Apan siya nagdumili ug miingon, “Dili ako mokaon.” Apan ang iyang mga sulugoon uban sa babaye, mipugos kaniya ug siya namati sa ilang gisulti. Busa mibangon siya gikan sa yuta ug milingkod sa higdaanan.