2 Samuel 12:16

Ang Biblia 2011

Busa si David nagpakiluoy sa Dios alang sa bata ug si David nagpuasa ug misulod ug mihigda sa yuta sa tibuok nga gabii.

Cross References

2 Samuel 12:15

Unya si Natan mipauli sa iyang balay. Ug ang Ginoo mihampak sa bata nga gipanganak sa asawa ni Uria kang David ug kini nasakit sa hilabihan.

2 Samuel 12:22

Ug siya miingon, “Samtang ang bata buhi pa, ako nagpuasa ug naghilak, kay ako miingon, ‘Kinsay nasayod kon ang Ginoo maluoy ba kanako, aron ang bata mabuhi?’

2 Samuel 13:31

Unya ang hari mitindog, ug gigisi ang iyang mga bisti ug mihigda sa yuta, ug ang tanan niyang mga sulugoon nga nagtindog uban kaniya migisi usab sa ilang mga bisti.

1 Mga Hari 21:27

Ug sa pagkadungog ni Ahab niadtong mga pulonga, iyang gigisi ang iyang mga bisti, ug nagsul-ob ug sako sa iyang lawas ug nagpuasa ug mihigda nga nagsul-ob sa sako ug milakaw nga masulub-on.

Nehemias 1:4

Sa pagkadungog nako niining mga pulonga, milingkod ako ug mihilak ug nagbangutan sulod sa pipila ka adlaw ug ako nagpadayon sa pagpuasa ug pag-ampo sa atubangan sa Dios sa langit.

Ester 4:16

“Lakaw, tigoma ang tanang mga Judio nga makit-an diha sa Susa, ug paghimo kamo ug pagpuasa alang kanako ug ayaw kamo pagkaon o pag-inom sulod sa tulo ka adlaw, gabii ug adlaw. Ako usab ug ang akong mga sulugoon nga babaye magpuasa sama sa inyong gibuhat. Unya moadto ako sa hari bisan ug supak kini sa balaod, ug kon ako mamatay, mamatay ako.”

Salmo 50:15

ug sangpita ako sa adlaw sa kalisdanan; luwason ko ikaw, ug ikaw maghimaya kanako.”

Salmo 69:10

Sa diha nga ako nagpaubos sa akong kaugalingon uban ang pagpuasa, nahimo kining kaulawan kanako.

Isaias 22:12

Niadtong adlawa ang Ginoong Dios sa mga panon, nag-awhag kaninyo aron sa paghilak ug sa pagminatay, ug sa pagpaupaw ug sa pagsul-ob ug sako;

Isaias 26:16

O Ginoo, diha sa kaguol midangop sila kanimo, nagbubo sila ug pag-ampo sa diha nga ang imong kastigo anaa ibabaw kanila.

Daniel 6:18

Unya ang hari miadto sa iyang palasyo, ug nagpuasa sa tibuok nga gabii, walay mga paglingaw nga gidala kaniya ug ang katulogon mibiya kaniya.

Daniel 9:3

Unya miatubang ako sa Ginoong Dios, nangita kaniya pinaagi sa pag-ampo ug mga pagpangaliyupo, uban ang pagpuasa ug pagbisti ug sako ug mga abo.

Jonas 3:9

Kinsa ang nasayod kon ang Dios dili ba motalikod ug masubo ug mobiya sa iyang bangis nga kasuko aron dili kita mangamatay?”

Mga Buhat 9:9

Ug sulod sa tulo ka adlaw siya dili makakita ug wala mokaon o moinom.

Josue 7:6

Ug gigisi ni Josue ang iyang mga bisti ug mihapa sa yuta sa atubangan sa sudlanan sa Ginoo hangtod sa kahaponon, siya ug ang mga kadagkoan sa Israel. Ug gibutangan nila ug abog ang ilang mga ulo.