2 Samuel 11:16

Ang Biblia 2011

Ug samtang si Joab nagpadayon sa pag-asdang sa siyudad, iyang gibutang si Uria sa dapit diin didto nahibaloan niya nga atua ang mga tawong isog.

Cross References

2 Samuel 11:15

Ang iyang sulat mao kini, “Ibutang si Uria sa atubangan gayod sa gubat diin labing bangis ang panagsangka ug palayo gikan kaniya aron siya masamaran ug mamatay.”

2 Samuel 11:17

Ug ang mga tawo sa siyudad migula ug nakig-away batok kang Joab, ug ang uban sa mga sulugoon ni David nangapukan ug si Uria nga Hitihanon namatay usab.

2 Samuel 11:21

Kinsa ang nagpatay kang Abimelek, nga anak ni Jerubaal? Dili ba usa ka babaye ang naghulog ug usa ka bato sa galingan sa ibabaw niya gikan sa kuta, mao nga siya namatay didto sa Tebes? Nganong nagpaduol man kamo pag-ayo sa kuta?’ Unya ikaw moingon, ‘Ang imong sulugoon nga si Uria nga Hitihanon namatay usab.’ ”

2 Samuel 3:27

Ug sa pagbalik ni Abner sa Hebron, gidala siya ni Joab ngadto sa taliwala sa ganghaan aron sa pagpakigsulti kaniya sa tago, ug didto gidunggab niya siya diha sa tiyan, nga tungod niana namatay siya tungod sa dugo sa igsoon ni Joab nga si Asahel.

1 Mga Hari 2:5

“Dugang pa, ikaw nahibalo usab sa gibuhat kanako ni Joab nga anak ni Zeruia, kon unsa ang iyang gibuhat sa duha ka tigmando sa kasundalohan sa Israel, kang Abner nga anak ni Ner ug kang Amasa nga anak ni Jether, nga iyang gipamatay ug gipaagas niya ang dugo sa gubat panahon sa pakigdait ug gibutang ang dugo sa gubat sa ibabaw sa iyang bakos nga diha sa iyang hawak ug sa iyang mga sandalyas nga diha sa iyang mga tiil.

2 Mga Hari 10:6

Ug nagsulat siya sa ikaduhang sulat alang kanila nga nag-ingon, “Kon kamo modapig kanako ug kon kamo andam sa pagtuman kanako, kuhaa ninyo ang mga ulo sa mga anak nga lalaki sa inyong agalon ug anhi kamo kanako sa Jesreel ugma sa ingon niining taknaa.” Niadtong tungora ang mga anak nga lalaki sa hari nga 70 ka tawo, kauban sa mga bantogang tawo sa siyudad, nga maoy nagmatuto kanila.

Mga Panultihon 29:12

Kon ang usa ka pangulo mamati sa kabakakan, ang tanan niyang mga tinugyanan mahimong daotan.

Oseas 5:11

Ang Ephraim gidaogdaog, nadugmok sa paghukom, kay siya nakahukom sa pagsunod sa kakawangan.

Mga Buhat 5:29

Apan si Pedro ug ang mga apostoles mitubag nga nag-ingon, “Kinahanglan among tumanon ang Dios kay sa mga tawo.