2 Samuel 11:15

Ang Biblia 2011

Ang iyang sulat mao kini, “Ibutang si Uria sa atubangan gayod sa gubat diin labing bangis ang panagsangka ug palayo gikan kaniya aron siya masamaran ug mamatay.”

Cross References

2 Samuel 11:16

Ug samtang si Joab nagpadayon sa pag-asdang sa siyudad, iyang gibutang si Uria sa dapit diin didto nahibaloan niya nga atua ang mga tawong isog.

2 Samuel 11:17

Ug ang mga tawo sa siyudad migula ug nakig-away batok kang Joab, ug ang uban sa mga sulugoon ni David nangapukan ug si Uria nga Hitihanon namatay usab.

2 Samuel 12:9

Nganong gitamay man nimo ang pulong sa Ginoo, sa pagbuhat ug daotan sa iyang panan-aw? Imong gipatay si Uria nga Hitihanon pinaagi sa espada ug mikuha sa iyang asawa aron mahimong imong asawa, ug gipatay nimo siya pinaagi sa espada sa mga Amonihanon.

1 Mga Hari 15:5

tungod kay si David naghimo sa matarong diha sa mga mata sa Ginoo ug wala magsalikway sa bisan unsang butang nga iyang gisugo kaniya sa tanang mga adlaw sa iyang kinabuhi, gawas lamang sa butang mahitungod kang Uria nga Hitihanon.

Salmo 51:14

Luwasa ako gikan sa sala sa pagpatay, O Dios, ikaw nga Dios sa akong kaluwasan, ug ang akong dila mag-awit sa kusog mahitungod sa imong pagkamatarong.

Salmo 51:4

Batok kanimo, kanimo lamang, nakasala ako, ug nagbuhat ug daotan diha sa imong panan-aw, busa ikaw giila nga matarong diha sa imong pagsulti, ug nga dili masaway diha sa imong paghukom.

Ecclesiastes 8:11

Tungod kay ang silot batok sa daotan nga buhat wala man himoa dayon, ang kasingkasing sa mga anak sa mga tawo hingpit nga nahiluna sa pagbuhat ug daotan.

Jeremias 17:9

Ang kasingkasing malimbongon labaw sa tanang mga butang, ug hilabihan gayod ka daotan; kinsay makasabot niini?

Jeremias 20:13

Pag-awit ngadto sa Ginoo; dayega ang Ginoo! Kay iyang giluwas ang kinabuhi sa kabos gikan sa kamot sa mga tigbuhat ug daotan.

1 Samuel 18:17

Unya si Saul miingon kang David, “Ania karon ang akong kamagulangang anak nga babaye nga si Merab, siya akong ipaasawa kanimo. Pagmaisogon lamang alang kanako ug pagpakiggubat alang sa Ginoo.” Kay si Saul naghunahuna, “Dili unta itugot nga modapat ang akong kamot kaniya, kondili ang kamot sa mga Filistihanon ang padapaton kaniya.”

1 Samuel 18:21

Si Saul naghunahuna, “Ihatag nako siya kaniya aron siya mahimong lit-ag kaniya ug nga ang kamot sa mga Filistihanon makigbatok kaniya.” Busa si Saul miingon kang David sa ikaduhang higayon, “Ikaw karon mahimong akong umagad.”

1 Samuel 18:25

Unya si Saul miingon, “Kini mao ang isulti ninyo kang David, ‘Ang hari wala magkinahanglan sa bisan unsang bugay, kondili usa ka gatos ka yamis sa mga Filistihanon, aron iyang panimaslan ang mga kaaway sa hari.’ ” Kay si Saul naghunahuna nga mahulog si David sa kamot sa mga Filistihanon.