2 Samuel 11:1

Ang Biblia 2011

Sa tingpamulak niadtong tuiga, sa panahon nga ang mga hari mosulong aron sa pagpakiggubat, gipadala ni David si Joab ug ang iyang mga alagad uban kaniya, ug ang tibuok Israel, ug ilang gilaglag ang mga Amonihanon ug gisulong ang Raba. Apan si David nagpabilin sa Jerusalem.

Cross References

2 Samuel 10:14

Ug sa diha nga ang mga Amonihanon nakakita nga ang mga Sirianhon nanagan, sila usab nanagan gikan sa atubangan ni Abisai ug misulod ngadto sa siyudad. Unya si Joab mipauli gikan sa pagpakig-away sa mga Amonihanon ug miadto sa Jerusalem.

1 Mga Hari 20:22

Unya ang propeta miduol sa hari sa Israel ug miingon kaniya, “Dali, lig-ona ang imong kaugalingon ug hunahunaa pag-ayo ang buot nimong buhaton kay sa panahon sa tingpamulak mosulong kanimo ang hari sa Siria.”

1 Mga Hari 20:26

Busa sa panahon sa tingpamulak, gitigom ni Ben-hadad ang mga Sirianhon ug mitungas ngadto sa Afek aron sa pagpakig-away sa Israel.

1 Cronicas 20:1

Sa panahon sa tingpamulak sa maong tuig, sa panahon nga ang mga hari mogula aron makiggubat, si Joab nangulo sa kasundalohan, ug gilaglag ang yuta sa mga Amonihanon, ug miadto sila ug gilibotan ang Raba. Apan si David mipabilin sa Jerusalem. Si Joab misulong sa Raba ug gibuntog kini.

2 Cronicas 36:10

Sa tingpamulak niadtong tuiga, si Hari Nabucodonosor misugo, ug gidala siya ngadto sa Babilonia uban sa mga bililhong galamiton sa balay sa Ginoo, ug si Zedekias nga iyang igsoon gihimong hari sa Juda ug sa Jerusalem.

Salmo 60:9

Kinsa ba ang magdala kanako ngadto sa kinutaan nga siyudad? Kinsa ba ang magtultol kanako ngadto sa Edom?

Ecclesiastes 3:8

panahon sa paghigugma, ug panahon sa pagdumot; panahon pakiggubat ug panahon alang sa pakigdait.

Jeremias 49:2

Busa, tan-awa, ang mga adlaw miabot na, nag-ingon ang Ginoo, nga akong ipadungog ang usa ka singgit sa gubat batok sa Raba sa mga Amonihanon. Kini mahimong biniyaan nga tinapok, ug ang iyang mga balangay sunogon sa kalayo; unya ang Israel mangilog niadtong nangilog kaniya, nag-ingon ang Ginoo.

Jeremias 49:3

“Pagminatay, O Hesbon, tungod kay ang Ai nagun-ob na! Hilak, O mga anak nga babaye sa Raba! Pagtapis kamo ug sako, pagbangutan, ug pagbalikbalik ug dagan diha sa mga koral! Kay si Milcom bihagon uban sa iyang mga pari ug sa iyang mga pangulo.

Ezequiel 21:20

Pagtimaan ug usa ka agianan alang sa espada nga moabot ngadto sa Raba sa mga Amonihanon ug ngadto sa Juda ug sa Jerusalem nga gipalig-onan.

Amos 1:14

Busa maghaling ako ug kalayo sa kuta sa Raba, ug kini maglamoy sa mga salipdanan niini uban ang mga singgit sa adlaw sa gubat, uban ang bagyo sa panahon sa alimpulos;

Zacarias 14:3

Unya ang Ginoo moasdang ug makig-away batok niadtong mga nasod sama sa iyang pagpakig-away panahon sa gubat.

Deuteronomio 3:11

(Kay si Og lamang nga hari sa Basan maoy nahibilin sa mga salin sa mga Refahanon. Ang iyang lungon usa ka higdaanan nga puthaw, wala ba kini diha sa Raba sa mga Amonihanon? Ang gitas-on niini siyam ka maniko ug ang gilapdon upat ka maniko sumala sa maniko sa lalaki.)

1 Samuel 18:30

Unya ang mga pangulo sa mga Filistihanon nanggula aron sa pagpakiggubat, ug unsa ka daghan ang ilang paghimo niini, mao usab ka daghan ang kalamposan ni David kay sa mga sulugoon si Saul, nga tungod niini ang iyang ngalan nabantog pag-ayo.