2 Samuel 10:6

Ang Biblia 2011

Sa diha nga ang mga Amonihanon nakakita nga sila nahimong dulumtanan kang David, ang mga Amonihanon nagpadala ug nanuhol sa mga Sirianhon sa Bet-rehob ug sa mga Sirianhon sa Zoba, 20 ka libo ka sundalo nga naglakaw, ug sa hari sa Maaca uban ang usa ka libo ka tawo, ug sa mga tawo sa Tob nga napulo ug duha ka libo ka tawo.

Cross References

Genesis 34:30

Unya si Jacob miingon kang Simeon ug kang Levi, “Nagdala kamo ug kagubot kanako sa paghimo kanako nga tawong gidumtan sa mga nagpuyo niining yutaa, ang mga Canaanhon ug ang mga Perisihanon. Diyotay ra ang akong mga tawo ug kon sila magtingob batok kanako ug moasdang, malaglag ako, ako ug ang akong panimalay.”

2 Samuel 10:5

Sa diha nga kini gisugilon kang David, siya nagpaadto aron sa pagsugat kanila kay ang mga tawo nangaulaw sa hilabihan gayod. Ug ang hari miingon, “Pabilin kamo didto sa Jerico hangtod nga ang inyong mga bungot motubo ug unya pamalik kamo.”

2 Samuel 10:7

Sa pagkadungog ni David niini, iyang gipadala si Joab ug ang tanan nga panon sa mga kusgan nga tawo.

2 Samuel 16:21

Si Ahitofel miingon kang Absalom, “Sudla ngadto ang mga puyopuyo sa imong amahan nga iyang gibilin aron sa pagbantay sa balay, ug ang tibuok Israel makadungog nga ikaw gidumtan sa imong amahan, unya malig-on ang mga kamot sa tanan nga kauban nimo.”

2 Samuel 23:34

si Elifelet nga anak ni Ahasbai nga taga-Maaca, si Eliam nga anak ni Ahitofel nga taga-Gilo,

2 Samuel 8:12

gikan sa Edom, Moab, sa mga Amonihanon, sa mga Filistihanon, sa Amalek, ug sa mga inilog kang Hadadeser nga anak ni Rehob ug hari sa Zoba.

2 Samuel 8:3

Gibuntog usab ni David si Hadadeser nga anak ni Rehob ug hari sa Zoba, sa diha nga miadto siya aron sa pagbawi sa iyang gahom sa suba sa Eufrates.

2 Samuel 8:5

Sa diha nga ang mga Sirianhon sa Damasco miabot aron sa pagtabang kang Hadadezer nga hari sa Zoba, gipamatay ni David ang 2,000 ka Sirianhon.

1 Mga Hari 11:24

Ug nagtigom siya ug mga tawo ngadto kaniya ug nahimo siyang pangulo sa maong panon, human sa pagpamatay ni David, ug nangadto sila sa Damasco ug mipuyo didto ug gihimo siyang hari sa Damasco.

2 Mga Hari 7:6

Kay ang Ginoo naghimo sa kasundalohan sa mga Sirianhon nga makabati ug dinahunog sa mga karwahi, ug sa mga kabayo ug sa kagahob sa dakong pundok sa kasundalohan ug sila nag-ingon sa usa ug usa, “Tan-awa, ang hari sa Israel nagsuhol batok kanato ug mga hari sa mga Hitihanon ug mga hari sa Ehipto sa pag-asdang kanato.”

Salmo 48:4

Kay tan-awa, ang mga hari nagtigom sa ilang kaugalingon, sila naghiusa sa pagsulong.

Exodo 5:21

Ug ang mga kapatas miingon kanila, “Makita unta sa Ginoo ang inyong gibuhat ug hukman kamo kay gihimo ninyo kami nga dulumtanan sa mga mata sa Paraon ug sa mga mata sa iyang mga sulugoon ug nagbutang ug espada diha sa ilang mga kamot aron sa pagpatay kanamo.”

Mga Panultihon 25:8

ayaw dayon dad-a ngadto sa hukmanan; kay unsa may imong buhaton sa kataposan, sa diha nga ang imong silingan magbutang kanimo sa kaulawan?

Jeremias 40:8

sila miadto kang Gedalias didto sa Mispa—si Ismael nga anak ni Netanias, si Johanan nga anak ni Karea, si Seraias nga anak ni Tanhumet, ang mga anak nga lalaki ni Efai nga Netofatihanon, si Jesanias nga anak sa usa ka Maacahanon, sila ug ang ilang mga tawo.

Jeremias 46:21

Bisan ang iyang mga sundalong sinuholan sa taliwala niya sama sa pinatambok nga mga baka. Oo, sila namiya ug nangagiw, wala sila mosugakod; kay ang adlaw sa ilang katalagman miabot kanila, ang panahon sa pagsilot kanila.

Deuteronomio 3:14

Si Jair nga Manasehanon mikuha sa tibuok nga yuta sa Argob nga mao ang Basan, hangtod sa utlanan sa mga Gesurhanon ug sa mga Maacahanon ug ginganlan ang mga kabalangayan sunod sa iyang ngalan, Habot-Jair hangtod niining adlawa.)

Mga Maghuhukom 11:3

Unya si Jefta mikagiw gikan sa iyang mga igsoon ug mipuyo sa yuta sa Tob ug didto natigom kang Jefta ang mga tawong walay pulos ug nanguban sila kaniya.

Mga Maghuhukom 11:5

Sa diha nga ang mga Amonihanon naghimo ug pakiggubat batok sa Israel, ang mga kadagkoan sa Gilead miadto aron sa pagkuha kang Jefta gikan sa yuta sa Tob.

Mga Maghuhukom 18:28

Ug walay nakaluwas kay layo man kini gikan sa Sidon ug sila walay pakigsandurot kang bisan kinsa. Kini atua sa walog nga sakop sa Bet-rehob. Ug ilang gitukod pag-usab ang siyudad ug gipuy-an kini.

1 Samuel 13:4

Ang tibuok Israel nakadungog sa giingon nga si Saul nakadaog sa mga sundalo nga nagbantay sa kuta sa mga Filistihanon, ug usab nga ang Israel giila nga dulumtanan sa mga Filistihanon. Ug giawhag ang katawhan sa pagtipon kang Saul didto sa Gilgal.

1 Samuel 27:12

Ug si Akis misalig kang David nga naghunahuna, “Siya naghimo sa iyang kaugalingon nga dumtan gayod sa katawhan sa Israel, busa siya mahimo nga akong sulugoon sa kanunay.”