2 Samuel 10:18

Ang Biblia 2011

Ug ang mga Sirianhon nanagan gikan sa atubangan sa Israel ug si David nakapatay ug pito ka gatos ka tawo sa karwahi ug 40,000 ka tigpangabayo gikan sa mga Sirianhon, ug nasamdan si Sobak nga tigmando sa ilang kasundalohan, mao nga siya namatay didto.

Cross References

2 Samuel 10:17

Sa diha nga gisugilon kini ngadto kang David, iyang gitigom ang tibuok nga Israel ug mitabok sila sa Jordan ug miadto sa Helam. Ug ang mga Sirianhon nagpahiluna sa ilang kaugalingon batok kang David ug nakig-away kaniya.

2 Samuel 8:4

Ug nakuha ni David gikan kaniya ang usa ka libo ug pito ka gatos ka tigpangabayo, ug 20,000 ka sundalo nga naglakaw, ug gipamiangan ni David ang tanang mga kabayo sa mga karwahi apan nagbilin ug igo sa usa ka gatos ka karwahi.

1 Mga Hari 11:24

Ug nagtigom siya ug mga tawo ngadto kaniya ug nahimo siyang pangulo sa maong panon, human sa pagpamatay ni David, ug nangadto sila sa Damasco ug mipuyo didto ug gihimo siyang hari sa Damasco.

1 Cronicas 19:18

Ug ang mga Sirianhon nanagan gikan sa atubangan sa Israel ug si David nakapatay ug 7,000 ka Sirinahon nga tigdala sa mga karwahi ug 40,000 ka sundalo nga naglakaw ug nakapatay usab kang Sofac nga pangulo sa ilang kasundalohan.

Salmo 18:38

Gisamaran nako sila busa wala na sila makabangon; nangapukan sila ilalom sa akong mga tiil.

Salmo 46:11

Ang Ginoo sa mga panon nag-uban kanato; ang Dios ni Jacob mao ang atong dalangpanan. Selah.

Salmo 68:2

Ingon nga ang aso mapalid, papahawaa sila; ingon nga ang talo matunaw atubangan sa kalayo, wagtanga ang mga daotan gikan sa atubangan sa Dios.

Mga Maghuhukom 4:2

Ug ang Ginoo nagbaligya kanila ngadto sa kamot ni Jabin nga hari sa Canaan nga naghari sa Hasor. Ang nagmando sa iyang panon sa kasundalohan mao si Sisera, nga nagpuyo sa Haroset-hagoyim.

Mga Maghuhukom 4:22

Sa diha nga si Barak migukod kang Sisera, si Jael migula aron sa pagsugat kaniya ug miingon, “Dali, ug ipakita nako kanimo ang tawo nga imong gipangita.” Busa misulod siya sa tolda ni Jael ug didto naghigda si Sisera nga patay na uban ang ugsok sa tolda diha sa iyang tampihak.

Mga Maghuhukom 5:26

Gibutang niya ang iyang kamot ngadto sa ugsok sa tolda ug ang iyang tuong kamot ngadto sa martilyo sa mamumuo. Iyang gipukpok si Sisera ug usa ka hapak, gigupok niya ang ulo niini, iyang gidugmok ug giduslak ang tampihak.