2 Samuel 10:12

Ang Biblia 2011

Pagmaisogon kamo, ipakita nato ang atong pagkalalaki alang sa atong katawhan ug alang sa mga siyudad sa atong Dios ug buhaton unta sa Ginoo unsay maayo alang kaniya!”

Cross References

2 Samuel 10:11

Ug siya miingon, “Kon ang mga Sirianhon kusgan ra kaayo kanako, ikaw magtabang kanako, apan kon ang mga Amonihanon kusgan ra kaayo alang kanimo, ako moanha ug motabang kanimo.

2 Samuel 15:26

Apan kon siya moingon, ‘Ako walay kalipay diha kanimo,’ tan-awa ania ako, ipabuhat niya ngari kanako kon unsay maayo alang kaniya.”

1 Cronicas 19:13

Pagmaisugon ug magpakalalaki kita alang sa atong katawhan, ug alang sa mga siyudad sa atong Dios. Buhaton unta sa Ginoo ang maayo alang kaniya.”

2 Cronicas 32:7

“Pagmalig-on ug pagmaisogon kamo. Ayaw kahadlok o kaluya atubangan sa hari sa Asiria ug ang tanan nga gidaghanon nga uban kaniya, kay adunay usa nga labaw ka gamhanan nga nag-uban kanato kay sa nag-uban kaniya.

Nehemias 4:14

Ug ako mitan-aw ug mitindong ug miingon sa mga kadagkoan ug sa mga tinugyanan ug sa ubang katawhan, “Ayaw kamo kahadlok kanila. Hinumdomi ang Ginoo nga gamhanan ug makalilisang, ug pakig-away kamo alang sa inyong mga kaigsoonan, sa inyong mga anak nga lalaki, ug sa inyong mga anak nga babaye, sa inyong mga asawa ug sa inyong mga panimalay.”

Nehemias 4:8

Ug nagsabot silang tanan sa pag-adto ug sa pagpakig-away batok sa Jerusalem ug aron sa paghimo ug kaguliyang didto sa sulod.

Ester 4:16

“Lakaw, tigoma ang tanang mga Judio nga makit-an diha sa Susa, ug paghimo kamo ug pagpuasa alang kanako ug ayaw kamo pagkaon o pag-inom sulod sa tulo ka adlaw, gabii ug adlaw. Ako usab ug ang akong mga sulugoon nga babaye magpuasa sama sa inyong gibuhat. Unya moadto ako sa hari bisan ug supak kini sa balaod, ug kon ako mamatay, mamatay ako.”

Job 1:21

Ug siya miingon, “Hubo ako nga migula gikan sa tiyan sa akong inahan ug hubo ako nga mobalik; ang Ginoo naghatag ug ang Ginoo nagkuha. Bulahan ang ngalan sa Ginoo.”

Numeros 13:20

ug kon ang yuta tambok ba o daot, kon didto aduna bay kakahoyan o wala. Ug pagmadasigon kamo, ug pagdala kamo sa bunga sa kayutaan.” Kadtong panahona mao ang panahon sa unang pagpanghinog sa mga ubas.

1 Mga Taga-Corinto 16:13

Pagtukaw kamo, barog kamo diha sa pagtuo, pagpakalalaki kamo, pagmakusganon.

Deuteronomio 31:6

Pagmalig-on kamo ug pagmadasigon. Ayaw kamo kahadlok ug ayaw kamo kalisang kanila kay ang Ginoo nga inyong Dios mao ang mag-uban kaninyo, dili siya mopakyas kaninyo o mobiya kaninyo.”

Deuteronomio 31:7

Unya gipatawag ni Moises si Josue ug giingnan kini sa atubangan sa tibuok nga Israel, “Pagmalig-on ug pagmadasigon, kay ikaw maoy mosulod uban niining katawhan ngadto sa yuta nga gipanumpa sa Ginoo ngadto sa ilang katigulangan aron ihatag kanila, ug ikaw magbutang kanila sa pagpanag-iya niini.

Mga Hebreo 11:33

nga tungod sa pagtuo gibuntog nila ang mga gingharian, gipatuman nila ang kaangayan, gidawat nila ang mga saad, gipatak-om nila ang mga baba sa mga liyon,

Mga Hebreo 13:6

Busa makaingon kita nga masaligon, “Ang Ginoo mao ang akong magtatabang, dili ako mahadlok; unsa may mahimo sa tawo kanako?”

Josue 1:18

Si bisan kinsa nga mosupak sa imong sugo ug dili motuman sa imong mga pulong, bisan unsa nga imong isugo kaniya, patyon gayod. Pagmalig-on lamang ug pagmaisogon.”

Josue 1:9

Wala ba ako magsugo kanimo? Pagmalig-on ug pagmaisogon; ayaw kahadlok o kaluya kay ang Ginoo nga imong Dios anaa uban kanimo bisan asa ikaw moadto.”

Mga Maghuhukom 10:15

Ug ang katawhan sa Israel miingon sa Ginoo, “Kami nakasala, buhata kanamo ang bisan unsa nga maayo alang kanimo. Luwasa lamang kami niining adlawa.”

1 Samuel 14:12

Ug ang mga tawo nga nagbantay sa kuta misinggit kang Jonatan ug sa tigdala sa iyang hinagiban ug miingon, “Ngari kamo kanamo ug pakit-on kamo namo sa usa ka butang.” Ug si Jonatan miingon sa tigdala sa iyang hinagiban, “Sunod kanako sa pagsaka kay ang Ginoo nagtugyan kanila ngadto sa kamot sa Israel.”

1 Samuel 14:6

Unya si Jonatan miingon ngadto sa batan-ong lalaki nga maoy nagdala sa iyang hinagiban, “Tana, mangadto kita sa kampo sa mga dili tinuli, basin ug ang Ginoo molihok alang kanato kay walay makapugong sa Ginoo sa pagluwas pinaagi sa daghan o pinaagi sa diyotay.”

1 Samuel 17:32

Ug si David miingon kang Saul, “Wala untay kasingkasing nga maluya tungod kaniya. Ang imong sulugoon moadto ug makig-away batok niining Filistihanon.”

1 Samuel 3:18

Busa si Samuel misugilon kaniya sa tanan ug walay gitago nga bisan unsa gikan kaniya. Ug si Eli miingon, “Siya mao ang Ginoo, ug ipabuhat kaniya kon unsay maayo alang kaniya.”

1 Samuel 4:9

Paglig-on kamo ug pagpakalalaki, O mga Filistihanon, aron dili kamo maulipon sa mga Hebreo, ingon nga kaniadto sila naulipon ninyo; pagpakalalaki ug pakig-away kanila.”