2 Samuel 1:26

Ang Biblia 2011

Ako nasubo alang kanimo, igsoon ko nga Jonatan; maayo gayod ikaw kanako; ang imong gugma kanako talagsaon, labaw pa sa gugma sa mga babaye,

Cross References

2 Samuel 1:27

“Naunsa nga nangapukan man ang mga kusgan, ug ang mga hinagiban sa gubat nangawala!”

Mga Panultihon 18:24

Adunay mga higala nga magpakaaron-ingnon nga mga higala, apan adunay usa ka higala nga magpabilin nga suod pa kay sa usa ka igsoon.

1 Samuel 19:2

Ug gisultihan ni Jonatan si David, “Si Saul nga akong amahan nagtinguha sa pagpatay kanimo, busa karon, pagbantay sa imong kaugalingon sa pagkabuntag, ug puyo sa usa ka tago nga dapit ug tagoa ang imong kaugalingon.

1 Samuel 20:17

Ug gipapanumpa pag-usab ni Jonatan si David nga higugmaon siya kay gihigugma man niya si David sama sa iyang kaugalingong kalag.

1 Samuel 20:41

Sa paglakaw na sa bata, si David mibarog gikan sa usa ka dapit padulong sa habagatan ug mihapa sa yuta ug miyukbo sa makatulo ug naghinagkanay sila ug naghinilakay sila, apan labaw gayod ang paghilak ni David.

1 Samuel 23:16

Ug si Jonatan nga anak ni Saul mitindog ug miadto kang David sa Hores ug nagpalig-on sa iyang kamot diha sa Dios.