2 Samuel 1:22

Ang Biblia 2011

“Gikan sa dugo sa mga gipangpatay, gikan sa tambok sa mga tawong kusgan, ang pana ni Jonatan wala mosumbalik, ug ang espada ni Saul wala mauli nga walay sulod.

Cross References

Jeremias 50:9

Kay aghaton nako ug paanhion nako batok sa Babilonia ang usa ka pundok sa mga dagkong nasod, gikan sa yuta sa amihanan; ug sila magpahimutang sa ilang kaugalingon batok kaniya; gikan didto ilogon siya. Ang ilang mga udyong mahimong sama sa usa ka batid nga manggugubat nga dili mobalik nga walay dala.

Deuteronomio 32:42

Hubgon nako sa dugo ang akong mga pana ug ang akong espada maglamoy ug unod, sa dugo sa mga gipatay ug sa mga bihag, gikan sa mga tag-as ug buhok nga ulo sa kaaway.’

1 Samuel 14:47

Sa diha nga si Saul nakadawat na sa gingharian sa Israel, nakigbatok siya sa tanan niyang mga kaaway nga anaa sa matag kilid, batok sa Moab, batok sa mga Amonihanon, batok sa Edom, batok sa mga hari sa Zoba ug batok sa mga Filistihanon; bisan asa siya paingon, iyang gibutang sila sa pagkaalaot.

1 Samuel 14:48

Siya naghimo niini sa maisogon gayod ug gibuntog ang mga Amalekanhon ug nagluwas sa Israel gikan sa mga kamot sa mga nanulis kanila.

1 Samuel 18:4

Ug si Jonatan mihukas sa iyang kupo nga diha kaniya ug gihatag kini kang David, ug ang iyang hinagiban lakip ang iyang espada ug ang iyang pana, ug ang iyang bakos.