2 Samuel 1:21

Ang Biblia 2011

“Kamo nga mga bukid sa Gilboa, wala untay tun-og o ulan diha kaninyo, o ang mga kaumahan sa mga halad! Kay didto ang taming sa tawong kusgan nahugawan, ang taming ni Saul nga dili dinihogan ug lana.

Cross References

1 Cronicas 10:1

Unya ang mga Filistihanon nakig-away batok sa Israel ug ang mga tawo sa Israel nanagan gikan sa atubangan sa mga Filistihanon ug nangamatay didto sa bukid sa Gilboa.

1 Cronicas 10:8

Sa pagkaugma, sa diha nga ang mga Filistihanon nangabot aron panguhaan ang mga patay, nakita nila nga si Saul ug ang iyang mga anak nga lalaki nangapukan didto sa bukid sa Gilboa.

Awit sa mga Awit 4:4

Ang imong liog sama sa tore ni David nga gitukod alang sa mga kasangkapan sa gubat, diin adunay usa ka libo ka taming nga gipamitay, ang tanan mga taming sa mga manggugubat.

Isaias 21:5

Giandam nila ang lamisa, gibukhad nila ang hapin, nangaon sila, nanginom sila. Tindog, O mga pangulo, lanahi ang taming!

Isaias 5:6

Himoon nako kini nga biniyaan; dili na kini pul-ongan o habokan, ug manurok ang mga sampinit ug mga tunok; sugoon usab nako ang mga panganod nga dili na sila magpaulan ug ulan ibabaw niini.

Ezequiel 31:15

“Mao kini ang giingon sa Ginoong Dios: Sa adlaw nga kini nanaog sa Sheol, gihimo nako nga ang kahiladman magbangutan alang niini ug gipugngan nako ang mga suba niini, ug ang daghang katubigan gipahunong. Gisul-oban nako ug kangiob ang Lebanon alang niini, ug ang tanang mga kahoy sa kapatagan nangalaya tungod niini.

Joel 1:9

Ang halad nga pagkaon ug ang halad nga ilimnon gihunong gikan sa balay sa Ginoo. Ang mga pari nagsubo, ang mga alagad sa Ginoo.

Joel 2:14

Kinsa ang nahibalo kon siya dili ba motalikod ug magbasol, ug magbilin ug panalangin sa iyang likod, halad nga pagkaon ug halad nga ilimnon alang sa Ginoo nga inyong Dios?

Mga Maghuhukom 5:23

“Tungloha ang Meros, miingon ang anghel sa Ginoo, tungloha pag-ayo ang mga nagpuyo niini, tungod kay miadto sila dili sa pagtabang sa Ginoo, sa pagtabang sa Ginoo batok sa mga kusgan.

1 Samuel 10:1

Unya si Samuel mikuha ug usa ka gamayng tibod nga lana ug mibubo niini diha sa ulo ni Saul, ug mihalok kaniya ug miingon, “Wala ba magdihog kanimo ang Ginoo aron mahimong pangulo sa iyang katawhan nga Israel? Ikaw maghari ibabaw sa katawhan sa Ginoo ug magluwas kanila gikan sa mga kaaway nga naglibot kanila. Ug kini mao ang ilhanan kanimo nga ang Ginoo nagdihog kanimo nga mahimong pangulo ibabaw sa iyang panulundon.

1 Samuel 31:1

Ang mga Filistihanon nakiggubat batok sa Israel, ug ang mga tawo sa Israel nanagan gikan sa atubangan sa mga Filistihanon, ug gipamatay didto sa bukid sa Gilboa.

1 Samuel 31:8

Sa pagkaugma, sa diha nga ang mga Filistihanon miabot aron huboan ang mga patay, ilang nakita si Saul ug ang iyang tulo ka anak nga lalaki nga nangamatay didto sa bukid sa Gilboa.