2 Samuel 1:2

Ang Biblia 2011

Ug sa ikatulo nga adlaw, dihay usa ka tawo nga miabot gikan sa kampo ni Saul, nga ang iyang mga bisti gisi ug may yuta sa ibabaw sa iyang ulo. Ug sa pag-abot niya didto kang David, mihapa siya sa yuta ug naghatag ug katahoran.

Cross References

Genesis 22:4

Sa ikatulo nga adlaw, giyahat ni Abraham ang iyang mga mata ug nakita niya ang dapit didto sa unahan.

Genesis 37:29

Sa pagbalik ni Ruben ngadto sa gahong, nakita niya nga si Jose wala na didto ug gigisi niya ang iyang mga bisti.

Genesis 37:34

Ug gigisi ni Jacob ang iyang mga bisti ug nagsul-ob ug bisting sako diha sa iyang hawak ug nagbangutan tungod sa iyang anak sulod sa daghang mga adlaw.

Genesis 43:28

Ug sila miingon, “Ang imong ulipon nga among amahan maayo man, buhi pa siya.” Ug miduko sila sa paghatag ug katahoran.

2 Samuel 1:3

Si David miingon kaniya, “Diin ikaw gikan?” Ug siya miingon kaniya, “Nakaikyas ako gikan sa kampo sa Israel.”

2 Samuel 13:19

Ug si Tamar nagbutang ug abo sa iyang ulo, ug gigisi niya ang bisti nga taas nga iyang gisul-ob ug iyang gibutang ang iyang kamot sa iyang ulo ug milakaw nga naghilak pag-ayo.

2 Samuel 14:4

Sa diha nga ang babaye sa Tekoa misulti na sa hari, mihapa siya sa yuta ug naghimo ug katahoran ug miingon, “Tabangi ako, O hari.”

2 Samuel 15:32

Sa diha nga naabot na si David sa kinatumyan, diin ang Dios gisimba, si Husai nga Arkihanon misugat kaniya nga gisi ang bisti ug may yuta sa iyang ulo.

2 Samuel 24:20

Sa paglantaw ni Arauna, nakita niya ang hari ug ang iyang mga sulugoon nga nagpadulong kaniya ug si Arauna nangatahoran ug miyukbo sa atubangan sa hari nga ang iyang nawong ngadto sa yuta.

2 Samuel 4:10

sa diha nga may usa nga nagsugilon kanako, ‘Tan-awa, si Saul namatay,’ ug naghunahuna siya nga nakadala ug maayong mga balita, gikuptan nako siya ug gipatay didto sa Ziklag, ingon nga balos nga akong gihatag kaniya alang sa iyang mga balita.

Ester 4:16

“Lakaw, tigoma ang tanang mga Judio nga makit-an diha sa Susa, ug paghimo kamo ug pagpuasa alang kanako ug ayaw kamo pagkaon o pag-inom sulod sa tulo ka adlaw, gabii ug adlaw. Ako usab ug ang akong mga sulugoon nga babaye magpuasa sama sa inyong gibuhat. Unya moadto ako sa hari bisan ug supak kini sa balaod, ug kon ako mamatay, mamatay ako.”

Ester 5:1

Sa ikatulo nga adlaw, si Ester nagsul-ob sa iyang harianong bisti, ug mitindog sa sulod nga hawanan sa balay sa hari atbang sa hawanan sa hari. Ang hari naglingkod sa iyang harianang trono sulod sa balay atbang sa pultahan sa balay.

Salmo 66:3

Ingna ninyo ang Dios, “Pagkamakalilisang sa imong mga buhat! Hilabihan kadako ang imong gahom nga ang imong mga kaaway nangyukbo kanimo.

Ezequiel 27:30

ug nagminatay pag-ayo tungod kanimo ug nanghilak pag-ayo. Sila nagbubo ug abog sa ilang mga ulo ug naglunang diha sa abo;

Oseas 6:2

Human sa duha ka adlaw ipahiuli niya kita, sa ikatulo nga adlaw ituboy niya kita, aron kita magpuyo sa iyang atubangan.

Joel 2:13

gisia ang inyong mga kasingkasing ug dili ang inyong mga bisti.” Balik kamo sa Ginoo nga inyong Dios, kay siya puno sa grasya ug maluluy-on, hinay sa pagkasuko ug madagayaon sa gugmang walay paglubad, ug nagbasol sa daotan.

Mateo 12:40

Kay sama nga si Jonas didto sa tiyan sa dakong isda sulod sa tulo ka adlaw ug tulo ka gabii, ang Anak sa Tawo usab adto sa kahiladman sa yuta sulod sa tulo ka adlaw ug tulo ka gabii.

Mateo 16:21

Sukad niadtong panahona si Jesus misugod sa pagpahayag ngadto sa iyang mga tinun-an nga kinahanglang moadto siya sa Jerusalem ug mag-antos sa daghang mga pagsakit gikan sa mga kadagkoan ug sa mga pangulong pari ug sa mga eskriba ug nga patyon siya ug sa ikatulong adlaw banhawon.

Josue 7:6

Ug gigisi ni Josue ang iyang mga bisti ug mihapa sa yuta sa atubangan sa sudlanan sa Ginoo hangtod sa kahaponon, siya ug ang mga kadagkoan sa Israel. Ug gibutangan nila ug abog ang ilang mga ulo.

Gipadayag 3:9

Tan-awa, sila nga mga iya sa sinagoga ni Satanas, nga nag-ingon nga sila mga Judio apan dili diay, hinuon namakak, tan-awa, kini sila paanhaon nako ug pahapaon diha sa imong tiilan, ug pailhon nako sila nga ikaw akong gihigugma.

1 Samuel 20:41

Sa paglakaw na sa bata, si David mibarog gikan sa usa ka dapit padulong sa habagatan ug mihapa sa yuta ug miyukbo sa makatulo ug naghinagkanay sila ug naghinilakay sila, apan labaw gayod ang paghilak ni David.

1 Samuel 25:23

Sa pagkakita ni Abigail kang David, siya nagdali ug nanaog sa iyang asno, ug mihapa sa atubangan ni David ug miyukbo ngadto sa yuta.

1 Samuel 4:12

Dihay usa ka tawo sa Benjamin nga miikyas gikan sa panon sa kasundalohan ug miadto sa Silo sa maong adlaw, ang iyang bisti gisi ug may yuta sa ibabaw sa iyang ulo.

1 Samuel 4:16

Ug ang tawo miingon kang Eli, “Ako gikan pa sa panggubatan ug miikyas ako niining adlawa gikan didto.” Siya miingon, “Unsa na man ang nahitabo, anak ko?”