2 Samuel 1:19

Ang Biblia 2011

“Ang imong himaya, O Israel, gipatay sa ibabaw sa imong mga habog nga dapit! Naunsa nga nangapukan man ang mga kusgan!

Cross References

2 Samuel 1:23

“Si Saul ug si Jonatan, mga pinalangga ug angayng higugmaon! Diha sa kinabuhi ug diha sa kamatayon wala sila magkabulag; sila tulin pa kay sa mga agila, sila kusgan pa kay sa mga liyon.

2 Samuel 1:25

“Naunsa nga nangapukan man ang mga tawong kusgan taliwala sa gubat! “Si Jonatan gipatay didto sa imong habog nga mga dapit.

2 Samuel 1:27

“Naunsa nga nangapukan man ang mga kusgan, ug ang mga hinagiban sa gubat nangawala!”

Isaias 4:2

Nianang adlawa, ang sanga sa Ginoo mahimong matahom ug mahimayaon, ug ang bunga sa yuta mahimong garbo ug himaya sa mga nahibilin sa Israel.

Isaias 53:2

Kay siya mitubo sa iyang atubangan sama sa usa ka linghod nga tanom, ug sama sa gamot sa uga nga yuta; siya walay panagway o kaanyag nga kita motan-aw kaniya, ug walay katahom nga kita magtinguha kaniya.

Mga Pagbangotan 2:1

Ang Ginoo diha sa iyang kasuko nagbutang sa anak nga babaye sa Zion diha sa kaulawan! Gihulog niya gikan sa langit ngadto sa yuta ang katahom sa Israel; wala niya hinumdomi ang iyang tumbanan sa adlaw sa iyang kasuko.

Mga Pagbangotan 5:16

Ang purongpurong nahulog gikan sa among ulo; alaot kami, kay kami nakasala!

Zacarias 11:10

Ug akong gikuha ang akong sungkod nga Grasya, ug gibali nako kini, gipapas ang kasabotan nga akong gihimo uban sa tanang mga katawhan.

Zacarias 11:7

Busa nahimo akong tigbantay sa mga karnero nga ihawonon alang niadtong mga tigbaligya ug karnero. Ug mikuha ako ug duha ka sungkod, ang usa akong ginganlan ug Grasya, ug ang usa ginganlan nako ug Panaghiusa. Ug akong giatiman ang mga karnero.

1 Samuel 31:8

Sa pagkaugma, sa diha nga ang mga Filistihanon miabot aron huboan ang mga patay, ilang nakita si Saul ug ang iyang tulo ka anak nga lalaki nga nangamatay didto sa bukid sa Gilboa.