2 Samuel 1:17

Ang Biblia 2011

Si David nagbangutan uban niining pagbangutan alang kang Saul ug alang kang Jonatan nga iyang anak,

Cross References

Genesis 50:11

Sa pagkakita sa mga Canaanhon nga nagpuyo sa yuta sa mga paghilak didto sa yuta sa Atad nga giokanan sa trigo, miingon sila, “Kini maoy hilabihan nga paghilak sa mga Ehiptohanon.” Busa ginganlan ang maong dapit ug Abel-misraim nga atua sa tabok sa Jordan.

2 Samuel 1:19

“Ang imong himaya, O Israel, gipatay sa ibabaw sa imong mga habog nga dapit! Naunsa nga nangapukan man ang mga kusgan!

2 Samuel 3:33

Ug ang hari nagbangutan alang kang Abner ug miingon, “Mamatay ba si Abner sama sa pagkamatay sa usa ka buang?

2 Cronicas 35:25

Si Jeremias naglitok ug pagbangotan alang kang Josias ug ang tanang mga lalaki ug babaye nga mag-aawit naghisgot mahitungod kang Josias sa ilang mga pagbangotan hangtod niining adlawa. Gihimo nila kini nga usa ka tulumanon sa Israel, ug tan-awa, nasulat kini diha sa Mga Pagbangotan.

Salmo 35:14

ingon nga daw nasubo ako alang sa akong higala o sa akong igsoon; nagsubo ako sama sa usa nga nagbangutan tungod sa iyang inahan, nagduko ug nagbangutan.

Ezequiel 32:16

Kini mao ang pagbangutan nga ilang awiton; ang mga anak nga babaye sa mga nasod mag-awit niini, tungod sa Ehipto ug tungod sa tanan niyang panon sa katawhan, sila mag-awit niini, nag-ingon ang Ginoong Dios.”