2 Pedro 3:10

Ang Biblia 2011

Apan ang adlaw sa Ginoo moabot sama sa usa ka kawatan, ug unya ang mga langit mahanaw uban sa dakong dahunog, ug ang mga butang sa kinaiyahan mangatunaw tungod sa hilabihang kainit ug ang yuta ug ang mga buhat nga anaa niini mabutyag.

Cross References

Salmo 102:26

Sila mangahanaw, apan ikaw molungtad; silang tanan madaan sama sa bisti. Ikaw mag-ilis kanila sama sa bisti ug sila mahanaw;

Salmo 46:6

Ang mga nasod nagkaguliyang, ang mga gingharian nangatay-og; iyang gipalanog ang iyang tingog, ang yuta natunaw.

Salmo 97:5

Ang kabukiran natunaw sama sa talo diha sa atubangan sa Ginoo, atubangan sa Ginoo sa tibuok nga yuta.

Isaias 2:12

Kay ang Ginoo sa mga panon adunay adlaw batok sa tanang mapagarbohon ug mapahitas-on, batok sa tanang tinuboy ug halangdon;

Isaias 24:19

Ang yuta nabuak gayod, ang yuta napikas, ang yuta natay-og sa hilabihan.

Isaias 34:4

Ang tanan nga panon sa langit mangadunot, ug ang kalangitan lukoton ingon sa usa ka linukot nga basahon. Ang tanan nilang panon mangahulog, sama sa mga dahon nga mangalarag gikan sa paras, sama sa dahon sa igera nga nagkalarag.

Isaias 51:6

Iyahat ang inyong mga mata sa kalangitan, ug sud-onga ang yuta sa ubos; kay ang kalangitan mahanaw sama sa aso, ang yuta magabok sama sa usa ka bisti, ug sila nga nagpuyo diha niini mangamatay nga sama sa langaw; apan ang akong pagluwas hangtod sa kahangtoran, ug ang akong pagkamatarong dili gayod taposon.

Joel 1:15

Alaot kining adlawa! Kay ang adlaw sa Ginoo duol na, ug ingon nga paglaglag gikan sa Labing Gamhanan moabot kini.

Joel 2:1

Patingoga ninyo ang trumpeta didto sa Zion; ipalanog ang pasidaan diha sa akong bukid nga balaan! Pakuroga ang tanang nagpuyo sa yuta kay ang adlaw sa Ginoo nagsingabot, nagkaduol na,

Joel 2:31

Ang adlaw mahimong kangitngit, ug ang bulan mahimong dugo, sa dili pa moabot ang dako ug makalilisang nga adlaw sa Ginoo.

Joel 3:14

Mga panon sa katawhan, mga panon sa katawhan atua sa walog sa paghukom! Kay ang adlaw sa Ginoo duol na sa walog sa paghukom.

Amos 9:13

“Tan-awa, ang mga adlaw nagsingabot,” nag-ingon ang Ginoo, “nga ang magdadaro makaapas sa mangangani, ug ang manggigiok sa mga paras, makaapas kaniya nga nagsabod sa binhi; ang kabukiran magpatulo ug tam-is nga bino ug ang tanang bungtod magdagayday niini.

Amos 9:5

Ang Ginoong Dios sa mga panon, siya nga mihikap sa yuta ug kini natunaw, ug ang tanan nga nagpuyo niini nagsubo, ug ang tanan niini motubo sama sa Nilo, ug mohubas pag-usab sama sa Nilo sa Ehipto;

Miqueas 1:4

Unya ang mga bukid matunaw sa ilalom niya, ug ang mga walog mabahin, sama sa talo sa atubangan sa kalayo, sama sa katubigan nga ibubo sa kimba nga dapit.

Nahum 1:5

Ang kabukiran milinog sa iyang atubangan, ug ang kabungtoran nangatunaw; ang yuta nalaglag diha sa iyang atubangan, ang kalibotan ug ang tanan nga nagpuyo niini.

Malaquias 4:5

“Tan-awa, akong ipadala kaninyo si Elias nga propeta sa dili pa moabot ang dako ug makalilisang nga adlaw sa Ginoo.

Mateo 24:35

Ang langit ug ang yuta mahanaw, apan ang akong mga pulong dili gayod mahanaw.

Marcos 13:31

Ang langit ug ang yuta mangahanaw, apan ang akong mga pulong dili gayod mahanaw.

Lucas 12:39

Apan hibaloi ninyo kini, nga kon ang tagbalay nahibalo pa unsang taknaa ang kawatan moabot, dili unta niya pasagdan nga lungkabon ang iyang balay.

Roma 8:20

kay ang kabuhatan nailalom sa kakawangan, dili tungod sa kaugalingong pagbuot niini, kondili tungod sa pagbuot niya nga mao ang nagpahimutang niini ilalom sa paglaom

1 Mga Taga-Corinto 1:8

Siya maglig-on kaninyo hangtod sa kataposan, aron dili kamo masaway unya sa adlaw sa atong Ginoong Jesu-Cristo.

1 Mga Taga-Corinto 5:5

itugyan ninyo kanang tawhana ngadto kang Satanas aron malaglag ang iyang lawas, aron maluwas ang iyang espiritu unya sa adlaw sa Ginoo.

2 Mga Taga-Corinto 1:14

ingon nga kamo may nasabtan na, aron kamo makapasigarbo kanamo ingon nga kamo amo unyang ikapasigarbo sa adlaw sa atong Ginoong Jesus.

1 Mga Taga-Tesalonica 5:2

Kay kamo nasayod na pag-ayo nga ang adlaw sa Ginoo moabot ra unya sama sa kawatan sa kagabhion.

1 Mga Taga-Tesalonica 5:4

Apan, mga igsoon, kamo wala diha sa kangitngit nga ang maong adlaw makapakurat kaninyo sama sa usa ka kawatan.

2 Pedro 3:11

Kay kining tanang mga butanga tunawon man sa ingon, unsa pa gayod ka kinahanglanon nga magkinabuhi kamo diha sa pagkabalaan ug pagkadiosnon,

2 Pedro 3:12

magpaabot ug maghinamhinam sa pag-abot sa adlaw sa Dios nga tungod niini duslitan ug tunawon ang mga langit, ug ang mga butang sa kinaiyahan mangatunaw sa hilabihang kainit!

2 Pedro 3:7

Apan pinaagi sa mao ra usab nga pulong, ang kalangitan ug ang yuta nga ania karon gitagana alang sa kalayo, gitipigan alang sa adlaw sa paghukom ug sa kalaglagan sa mga tawong dili diosnon.

Judas 1:6

Ug ang mga anghel nga wala magpabilin diha sa ilang dapit apan namiya sa ilang kaugalingong puluy-anan, gigapos niya sa mga kadena nga walay kataposan diha sa kangitngit alang sa dakong adlaw sa paghukom.

Gipadayag 16:15

“Tan-awa, moanhi ako sama sa kawatan! Bulahan ang magtukaw nga mag-amping sa iyang mga bisti aron dili siya maglakaw nga hubo ug madayag ang iyang pagkamakauulaw!”

Gipadayag 20:11

Unya nakita nako ang usa ka dakong trono nga puti ug ang naglingkod niini, gikan sa iyang atubangan mipahawa ang yuta ug ang langit, ug walay dapit nga nakaplagan alang kanila.

Gipadayag 21:1

Unya akong nakita ang usa ka bag-ong langit ug ang usa ka bag-ong yuta, kay ang unang langit ug ang unang yuta nangahanaw na man, ug ang dagat wala na.

Gipadayag 3:3

Busa hinumdomi ang imong nadawat ug nadungog; tumana kini ug paghinulsol. Kay kon dili ka man magmata, moanha ako sama sa kawatan, ug dili nimo mahibaloan ang takna sa akong pag-anha kanimo.

Gipadayag 6:14

Ang langit nahanaw sama sa usa ka basahon nga gilukot, ug ang tanang kabukiran ug kapuloan nangabalhin gikan sa ilang matag usa ka dapit.