2 Pedro 2:3

Ang Biblia 2011

Tungod sa ilang kahakog, ila kamong panapion pinaagi sa tinumotumo nga mga pulong. Sukad pa sa karaang panahon ang hukom kanila wala maghunong, ug ang ilang kalaglagan wala matulog.

Cross References

Job 6:27

Magripa man gani kamo ngadto sa mga walay amahan, ug maghangyoay ibabaw sa inyong mga higala.

Salmo 18:44

Sa diha nga nakadungog sila mahitungod kanako, mituman sila kanako; ang mga langyaw mitugyan sa ilang kaugalingon kanako.

Salmo 66:3

Ingna ninyo ang Dios, “Pagkamakalilisang sa imong mga buhat! Hilabihan kadako ang imong gahom nga ang imong mga kaaway nangyukbo kanimo.

Salmo 81:15

Ang mga nagdumot sa Ginoo moyukbo ngadto kaniya, apan ang ilang dangatan magpadayon hangtod sa kahangtoran.

Isaias 5:19

nga nag-ingon, “Padalia siya, papaspasa siya sa iyang buhat, aron amo kining makita; ug ipatuman ang tuyo sa Balaan sa Israel, ug paanhia kini aron amo kining masayran!”

Isaias 56:11

Ang mga iro dako ug kaon, sila dili gayod matagbaw. Ang mga tigbantay sa karnero usab walay panabot; sila misimang ngadto sa kaugalingon nilang mga dalan, ang matag usa sa iyang kaugalingong kaayohan, ang usa ug ang tanan.

Isaias 60:22

Ang labing ubos mahimong usa ka banay, ug ang labing gamay mahimo nga usa ka gamhanang nasod; ako mao ang Ginoo; diha sa panahon niini dalion nako kini.

Jeremias 6:13

“Kay gikan sa labing gamay ngadto sa labing dako kanila, ang matag usa hakog sa dili matarong nga ganansiya; ug gikan sa propeta ngadto sa pari, ang matag usa nanglimbong.

Jeremias 8:10

Busa akong ihatag ang ilang mga asawa ngadto sa lain ug ang ilang mga uma ngadto sa mobuntog kanila, tungod kay gikan sa labing gamay ngadto sa labing dagko ang matag usa hakog sa dili matarong nga ganansiya; gikan sa propeta ngadto sa pari ang matag usa naglimbong.

Ezequiel 13:19

Gipasipalahan ninyo ako taliwala sa akong katawhan tungod sa mga hakop sa sebada ug tungod sa mga tipik sa pan, aron sa pagpatay sa mga kinabuhi nga dili angayng mamatay, ug aron sa pagluwas sa mga kinabuhi nga dili angayng mabuhi, pinaagi sa inyong pagbakak sa akong katawhan nga namati sa kabakakan.

Miqueas 3:11

Ang mga pangulo niini naghukom alang sa suborno, ang mga pari niini nagtudlo alang sa suhol, ang mga propeta niini nagpropesiya alang sa salapi; bisan pa niini sila nagsandig sa Ginoo ug nag-ingon, “Dili ba ang Ginoo ania taliwala kanato? Walay kadaot nga moabot kanato.”

Habacuc 3:3

Ang Dios mianhi gikan sa Teman, ug ang Balaan gikan sa Bukid sa Paran. Ang iyang himaya milukop sa kalangitan, ug ang yuta napuno sa pagdayeg. Selah

Malaquias 1:10

Aduna untay usa kaninyo nga magtak-op sa mga pultahan aron dili kamo maghaling ug kalayo ibabaw sa akong halaran sa walay hinungdan! Wala akoy kahimuot kaninyo, nag-ingon ang Ginoo sa mga panon, ug dili ako modawat ug halad gikan sa inyong kamot.

Lucas 18:8

Sultihan ko kamo, nga sa madali iyang hatagan sila ug hustisya. Apan sa pag-abot sa Anak sa Tawo, makakita ba kaha siya ug pagtuo dinhi sa kalibotan?”

Lucas 20:20

Ug ilang gibantayan siya, ug gipaadtoan nila ug mga tigpaniid nga nagpakaaron-ingnon nga matarong aron ilang mabitik siya pinaagi sa iyang isulti, aron ilang itugyan siya ngadto sa kagamhanan ug sa pagbuot sa gobernador.

Lucas 22:47

Ug samtang nagsulti pa siya, miabot ang usa ka panon sa katawhan, ug ang tawo nga ginganlan ug Judas nga usa sa napulo ug duha nag-una kanila. Miduol siya kang Jesus aron mohalok kaniya.

Juan 2:16

Unya siya miingon sa mga namaligya ug mga salampati, “Kuhaa ninyo gikan dinhi kining mga butanga! Ayaw ninyo himoang taboan ang balay sa akong Amahan.”

Roma 16:18

Kay kini sila wala mag-alagad sa atong Ginoong Cristo, kondili sa ilang kaugalingong tiyan, ug pinaagi sa nindot ug madanihong mga pulong naglimbong sila sa kasingkasing sa mga yano ug panabot.

2 Mga Taga-Corinto 2:17

Kay lahi kami sa kadaghanan nga namaligya sa pulong sa Dios, kondili ingon nga mga tawong matinud-anon, ug ingon nga gikan sa Dios, kami nagsulti sa atubangan sa Dios pinaagi kang Cristo.

Deuteronomio 24:17

“Ayaw tuisa ang hustisya nga angay sa langyaw o sa mga wala nay amahan o kuhaon ang bisti sa biyuda ingon nga garantiya.

Deuteronomio 32:35

Akoa ang panimalos, ug ang bayad, alang sa panahon nga ang ilang tiil madalin-as; kay ang adlaw sa ilang katalagman nagkaduol na ug ang ilang kalaglagan moabot sa kalit lamang.

1 Mga Taga-Tesalonica 2:5

Kay sumala sa inyo nang nasayran, kami wala gayod mogamit ug mga pulong sa pag-ulog-ulog o takuban sa kadalo, ang Dios saksi niini.

1 Mga Taga-Tesalonica 5:3

Sa diha nga ang mga tawo mag-ingon, “Kalinaw ug kasigurohan,” unya sa kalit moabot kanila ang pagkalaglag sama sa kasakit sa babaye nga nagbati, ug sila dili makaikyas.

1 Timoteo 3:3

dili palahubog, dili tigpangdapat hinuon lumo, dili palaaway, ug dili mahigugmaon ug salapi.

1 Timoteo 3:8

Ang mga alagad usab sa iglesia kinahanglang magmaligdong, matinud-anon, dili tig-inom ug daghang bino, dili hakog sa salawayong pagpanapi.

1 Timoteo 6:5

ug paglalisay sa mga tawo nga dunot ug panghunahuna ug nakabsan sa kamatuoran, nagdahom nga ang pagkadiosnon maoy paagi sa pagpadato.

Tito 1:11

nga kinahanglang pahilomon kay sila nangguba ug tibuok nga mga panimalay pinaagi sa pagpanudlo ug mga butang nga dili angay, aron sa pagpanapi.

Tito 1:7

Kay ang pangulo sa iglesia, ingon nga piniyalan sa Dios, kinahanglang dili masaway, dili magpahimuot sa iyang kaugalingon, dili masuk-anon, dili hinginom ug bino, dili tigpangdapat, dili hinapi

1 Pedro 2:8

ug “Usa ka bato nga makapapandol sa mga tawo, ug usa ka dakong bato nga makapukan kanila.” Sila nangapandol tungod sa ilang pagkadili masinugtanon sa pulong, sumala sa gitagana nang daan alang kanila.

1 Pedro 5:2

Atimana ninyo ang panon sa Dios nga anaa diha kaninyo, nga ilalom sa inyong pagbantay, dili ingon nga gipugos kamo kondili sa kinabubut-on sumala sa pagbuot sa Dios gayod, dili alang sa makauulawng pagpanapi kondili inubanan hinuon sa kadasig,

2 Pedro 1:16

Kay wala kami magsubay sa tinumotumong mga sugilanon sa among pagpahibalo kaninyo sa gahom ug pag-anhi sa atong Ginoong Jesu-Cristo, apan kami nakasaksi gayod sa iyang pagkahalangdon.

2 Pedro 2:1

Apan may mga mini nga propeta usab diha sa katawhan, sama nga aduna unyay mga mini nga magtutudlo diha kaninyo nga sa tago magpasulod sa mga makadaot nga lahing pagtulun-an ug maglimod pa gani sa Agalon nga maoy nagpalit kanila, ug magdalag kalit nga kalaglagan diha sa ilang kaugalingon.

2 Pedro 2:9

ang Ginoo nahibalo gayod unsaon sa pagluwas sa mga tawong diosnon gikan sa mga pagsulay ug sa pagbutang sa mga dili matarong ilalom sa silot hangtod sa adlaw sa paghukom,

Judas 1:11

Alaot sila! Kay sila naglakaw subay sa dalan ni Cain, ug tungod sa pagpanapi ilang gipatuyangan ang ilang kaugalingon ngadto sa sayop ni Balaam, ug nangalaglag diha sa pagsupil ni Korah.

Judas 1:15

aron sa paghimo sa paghukom batok sa tanan, ug sa pagpadayag nga sad-an ang tanang tawo mahitungod sa tanan nilang dili diosnong binuhatan nga ilang nahimo sa dili diosnong paagi, ug sa tanang ngil-ad nga mga butang nga gikapamulong sa mga makasasala nga dili diosnon batok kaniya.”

Judas 1:16

Kini sila mga bagulbolan, tigmulo, nagsunod sa ilang mga pangibog, ug ang ilang mga baba nagsulti ug mga hambog, nag-ulog-ulog sa mga tawo aron sa pagpamintaha.

Judas 1:4

Kay nanulod sa hilom ang pipila ka mga tawo nga dugay nang gitagana alang niining maong paghukom, mga tawong dili diosnon nga nagtuis sa grasya sa atong Dios ngadto sa pagkamapatuyangon sa ilang kaibog ug sa pagsalikway sa atong Bugtong nga Agalon ug Ginoo, si Jesu-Cristo.

Judas 1:7

Ingon sa Sodoma ug Gomora ug sa silingang kalungsoran, nga sa samang paagi nagbuhat sa salawayong pakighilawas ug sa pagpatuyang sa kaulag, nahimo silang mga panag-ingnan pinaagi sa pagpahiagom sa silot nga kalayong walay kataposan.