2 Pedro 2:21

Ang Biblia 2011

Kay maayo pa lamang unta hinuon alang kanila nga wala gayod sila mahibalo sa dalan sa pagkamatarong nga human sila mahibalo niini, motalikod lang gikan sa balaang kasugoan nga gitugyan kanila.

Cross References

Salmo 125:5

Apan kadtong mga mitipas ngadto sa ilang mga dalan nga hiwi, ang Ginoo maghingilin uban sa mga tigbuhat ug daotan! Ang kalinaw maanaa unta sa Israel!

Salmo 85:8

Pabatia ako sa isulti sa Dios nga Ginoo, kay siya magsulti ug pakigdait sa iyang katawhan, sa iyang mga balaan, apan ayaw sila pabalika sa binuang.

Mga Panultihon 12:28

Diha sa dalan sa pagkamatarong anaa ang kinabuhi, ug diha sa dalan niini walay kamatayon.

Mga Panultihon 16:31

Ang ulo nga ubanon purongpurong sa himaya; kini naangkon diha sa dalan sa pagkamatarong.

Ezequiel 18:24

Apan sa diha nga ang matarong motalikod gikan sa iyang pagkamatarong, ug magpakasala ug magbuhat ug sama nga mga dulumtanan nga gibuhat sa tawo nga daotan, mabuhi ba siya? Walay usa sa iyang mga matarong nga buhat nga iyang nahimo nga hinumdoman. Tungod sa kalapasan nga iyang nahimo ug sa kasal-anan nga iyang nabuhat, siya mamatay.

Ezequiel 23:13

Ug nakita nako nga siya nahugawan, silang duha nagsubay sa sama nga dalan.

Ezequiel 3:20

Ug usab, sa diha nga ang usa ka tawong matarong motalikod gikan sa iyang pagkamatarong ug magpakasala ug ako nagbutang ug kapandolanan sa iyang atubangan, siya mamatay. Tungod kay ikaw wala magpasidaan kaniya, siya mamatay sa iyang sala ug ang mga matarong nga buhat nga iyang nahimo dili na hinumdoman, apan ang iyang dugo paninglon nako diha sa imong kamot.

Ezequiel 33:13

Bisan kon ako moingon sa tawong matarong nga siya sa mabuhi gayod, kon siya magsalig sa iyang kaugalingon nga pagkamatarong unya magbuhat ug daotan, walay usa sa iyang matarong nga mga buhat nga hinumdoman, hinuon diha sa iyang kalapasan nga iyang nahimo, siya mamatay tungod niini.

Sofonias 1:6

sila nga mitalikod sa pagsunod sa Ginoo, kadtong wala mangita sa Ginoo o magpakisayod mahitungod kaniya.”

Mateo 21:32

Kay si Juan mianhi kaninyo ug nagtultol sa dalan sa pagkamatarong ug wala kamo motuo kaniya apan ang mga tigpaningil ug buhis ug ang mga babayeng nagbaligya sa dungog mituo kaniya. Ug bisan sa pagkakita ninyo niini, wala gihapon kamo maghinulsol sa kaulahian ug wala motuo kaniya.

Lucas 12:47

Ug ang maong ulipon nga nahibalo sa pagbuot sa iyang agalon apan wala mag-andam o wala magbuhat sumala sa iyang pagbuot, mahiagom sa daghan nga pagbunal.

Juan 15:22

Kon wala pa ako moanhi ug mosulti kanila, wala unta silay sala. Apan karon wala na silay ikapangulipas mahitungod sa ilang sala.

Juan 9:41

Si Jesus miingon kanila, “Kon buta pa kamo, dili unta kamo sad-an; apan kay nag-ingon man kamo karon, ‘Makakita kami,’ nagpabilin ang inyong sala.

Roma 7:12

Busa ang Balaod balaan, ug ang kasugoan balaan, matarong, ug maayo.

Mga Taga-Galacia 6:2

Pagyayongay kamo sa mga kabug-at sa usa ug usa, ug sa ingon niana matuman ninyo ang balaod ni Cristo.

1 Mga Taga-Tesalonica 4:2

Kay kamo nahibalo na unsa ang mga pahimangno nga among gihatag kaninyo pinaagi sa Ginoong Jesus.

1 Timoteo 6:14

ako magpahimangno kanimo sa pagbantay sa sugo nga dili mabulingan ug mahigawas sa mga pagsaway hangtod sa pagtungha sa atong Ginoong Jesu-Cristo.

Mga Hebreo 10:26

Kay kon kita magpadayon sa tinuyo nga pagpakasala human nato madawat ang kahibalo sa kamatuoran, wala nay nahibilin pa nga halad nga inihaw alang sa mga sala,

Santiago 4:17

Busa ngadto kaniya nga nasayod unsay maayong buhaton ug wala magbuhat niini, sala kini alang kaniya.

2 Pedro 3:2

nga kinahanglang inyong hinumdoman ang mga pulong sa balaang mga propeta ug ang kasugoan nga gihatag sa Ginoo ug Manluluwas pinaagi sa inyong mga apostoles.

Judas 1:3

Mga hinigugma, maikagon gayod ako sa pagsulat kaninyo mahitungod sa atong gikausahang kaluwasan, kay gikinahanglan ang pagsulat nako aron pagdasig kaninyo sa pagpakigbisog alang sa pagtuo nga makausa lamang itugyan ngadto sa mga balaan.