2 Pedro 2:16

Ang Biblia 2011

apan gibadlong siya tungod sa iyang kaugalingong kalapasan. Ang amang nga asno nga misulti diha sa tawhanong tingog misanta sa kabuang sa maong propeta.

Cross References

Salmo 39:11

Sa diha nga ikaw magpanton sa tawo tungod sa iyang kasal-anan, giguba nimo sama sa usa ka anunugba ang unsay mahal alang kaniya; sa pagkatinuod ang matag tawo usa lamang ka gininhawa! Selah

Ecclesiastes 7:25

Akong gigamit ang akong panghunahuna sa pag-ila ug sa pagsusi ug sa pagpangita sa kaalam ug sa kinatibuk-an sa mga butang, ug sa pag-ila sa pagkadaotan sa binuang, ug sa binuang nga mao ang kabuang.

Ecclesiastes 9:3

Daotan kini diha sa tanan nga nabuhat ilalom sa adlaw, nga usa ka sangpotanan moabot sa tanan; ang mga kasingkasing usab sa mga anak sa mga tawo puno sa kadaotan, ug ang kabuang anaa sa ilang kasingkasing samtang buhi pa sila, ug human niini mangadto sila sa mga patay.

Oseas 9:7

Ang mga adlaw sa pagsilot miabot na, ang mga adlaw sa pagbalos midangat na; ang Israel mahibalo niini. Ang propeta buangbuang, ang tawo nga nagbaton ug espiritu buang, tungod sa dako nimong kasal-anan ug dakong kasilag.

Lucas 16:11

Kon kamo dili kasaligan sa dili matarong nga bahandi, kinsa may mosalig kaninyo sa tinuod nga bahandi?

Mga Buhat 26:11

Ug sa makadaghan gipakastigo nako sila diha sa tanang mga sinagoga aron sa pagpugos kanila sa pagpasipala, ug sa bangis nga kapungot batok kanila, gilutos nako sila bisan didto sa mga siyudad gawas sa nasod.