2 Pedro 2:10

Ang Biblia 2011

labi na gayod ang mga nagkinabuhi sumala sa unod diha sa makahugaw nga kaulag ug ang mga nagsalikway sa awtoridad. Sila mapangahason ug mapahitas-on, walay kahadlok sa pagpasipala sa mga halangdon,

Cross References

Genesis 49:6

O kalag ko, ayaw pag-apil sa ilang panagtigom, O akong espiritu, ayaw pakigtipon kanila, kay sa ilang kapungot gipatay nila ang mga tawo, ug sa ilang pagkamapatuyangon gipamiangan nila ang mga baka.

2 Samuel 20:1

Nahitabo nga didtoy usa ka daotang tawo nga ginganlan ug Seba nga anak ni Bikri nga kaliwat ni Benjamin, ug siya mipatingog sa trumpeta, ug miingon, “Kami walay bahin kang David, ug kami walay panulundon diha sa anak ni Jesse; ang matag tawo ngadto sa iyang tolda, O Israel!”

1 Mga Hari 12:16

Ug sa pagkakita sa tibuok Israel nga ang hari wala mamati kanila, ang katawhan mitubag sa hari, “Unsay bahin namo kang David? Kami walay panulundon sa anak ni Jesse. Sa inyong mga tolda, O Israel! Tan-awa karon ang imong kaugalingong balay, David.” Busa ang Israel namauli ngadto sa ilang mga tolda.

Salmo 12:4

kadtong nag-ingon, “Pinaagi sa among dila mopatigbabaw kami, ang among mga ngabil ania kanamo; kinsa ba ang among agalon?”

Exodo 22:28

“Ayaw kamo pagsulti ug daotan batok sa Dios o magtunglo sa tigdumala sa inyong katawhan.

Ecclesiastes 10:20

Bisan diha sa imong hunahuna ayaw tungloha ang hari, o diha sa imong higdaanan tunglohon ang dato; kay ang langgam sa kalangitan magdala sa imong tingog, ug kadtong adunay mga pako mosugilon sa maong butang.

Jeremias 2:31

O kaliwatan, pamatia ang pulong sa Ginoo. Kamingawan ba ako alang sa Israel, o usa ba ka yuta sa hilabihan nga kangitngit? Nganong nag-ingon man ang akong katawhan, ‘Kami gawasnon, dili na kami moduol kanimo’?

Numeros 15:30

Apan ang tawo nga nagbuhat sa bisan unsang kasaypanan nga tinuyo, bisan siya lumad o usa ka langyaw, nagpasipala sa Ginoo ug ang maong tawo ipahimulag gikan sa iyang katawhan.

Lucas 11:25

Ug sa pag-abot niya, iyang makita kini nga sinilhigan na ug maayo nang pagkahimutang.

Lucas 19:14

Apan ang iyang mga katagilungsod nagdumot kaniya, ug siya ilang gipasundan ug mga tawo aron sa pag-ingon, ‘Dili kami buot nga maoy maghari kanamo kining tawhana.’

Mga Buhat 23:5

Ug si Pablo miingon, “Mga igsoon, wala ako mahibalo nga siya diay labawng pangulong pari kay gisulat man, ‘Ayaw pagsulti ug daotan batok sa pangulo sa imong katawhan.’ ”

Roma 8:1

Busa sila nga anaa kang Cristo Jesus dili na karon mga hinukman.

1 Mga Taga-Corinto 6:9

Wala ba kamo masayod nga ang mga tawong dili matarong dili makapanunod sa gingharian sa Dios? Ayaw kamo pagpalimbong; walay mga makihilawason o mga tigsimba ug mga diosdios o mga mananapaw o mga makig-unay ug isigkalalaki

2 Mga Taga-Corinto 10:3

Kay bisan tuod ug kami nagkinabuhi nga unodnon, wala kami makiggubat sumala sa unod,

Mga Taga-Efeso 4:19

Sila nawad-an na sa pagbati ug mitugyan sa ilang kaugalingon ngadto sa pagpatuyang, hangol sa pagbuhat sa tanang matang sa kahugawan.

Mga Taga-Efeso 5:5

Kay nasayod kamo niini, nga ang tanang makihilawason o hugaw o hakog, nga sa ato pa, tigsimba ug mga diosdios, walay mapanunod sa gingharian ni Cristo ug sa Dios.

Mga Taga-Colosas 3:5

Busa patya ninyo ang unsay yutan-on diha sa sulod ninyo: salawayong pakighilawas, kahugaw, unodnong kaibog, daotang tinguha, ug ang kahakog nga maoy pagsimba ug mga diosdios.

1 Mga Taga-Tesalonica 4:7

Kay ang Dios wala magtawag kanato alang sa kahugawan, kondili sa pagkabalaan.

2 Timoteo 3:2

Kay ang mga tawo unya mahigugmaon sa ilang kaugalingon, mahigugmaon sa salapi, mapahitas-on, hambogiro, bugalbugalon, masinupakon sa mga ginikanan, walay igabalos, dili diosnon,

Tito 1:7

Kay ang pangulo sa iglesia, ingon nga piniyalan sa Dios, kinahanglang dili masaway, dili magpahimuot sa iyang kaugalingon, dili masuk-anon, dili hinginom ug bino, dili tigpangdapat, dili hinapi

Mga Hebreo 13:4

Himoa ninyo nga ang panagtiayon makabaton sa pagtahod sa tanan, ug himoa ninyo nga ang higdaanan sa panagtiayon dili mahugawan, kay ang Dios mosilot gayod sa mga makihilawason ug sa mga mananapaw.

2 Pedro 3:3

Una sa tanan kinahanglan nga inyong mahibaloan nga sa ulahing mga adlaw adunay mga mabiaybiayon nga manungha, magkinabuhi sumala sa ilang kaugalingong kahidlaw

Judas 1:10

Apan kining mga tawhana nagpasipala sa bisan unsang butang nga wala nila masabti ug ang mga butang nga ilang nahibaloan pinaagi sa tawhanong kinaiya nga sama sa mga mananap nga walay kabuot, pinaagi niini sila nangalaglag.

Judas 1:16

Kini sila mga bagulbolan, tigmulo, nagsunod sa ilang mga pangibog, ug ang ilang mga baba nagsulti ug mga hambog, nag-ulog-ulog sa mga tawo aron sa pagpamintaha.

Judas 1:18

kay sila miingon kaninyo, “Sa kataposang panahon may manungha nga mga mayubiton, nagpahiuyon sa ilang dili diosnon nga mga pangibog.”

Judas 1:4

Kay nanulod sa hilom ang pipila ka mga tawo nga dugay nang gitagana alang niining maong paghukom, mga tawong dili diosnon nga nagtuis sa grasya sa atong Dios ngadto sa pagkamapatuyangon sa ilang kaibog ug sa pagsalikway sa atong Bugtong nga Agalon ug Ginoo, si Jesu-Cristo.

1 Samuel 10:27

Apan ang ubang mga tawo nga walay pulos nag-ingon, “Unsaon man niining tawhana pagluwas kanato?” Ug ilang gitamay siya ug wala magdala kaniya ug gasa. Apan nagpakahilom lamang siya.