2 Pedro 1:19

Ang Biblia 2011

Ug napamatud-an pa gayod ang pulong sa propesiya nga among gibatonan. Maayo nga inyong himoon ang pagtagad niini sama sa usa ka suga nga nagsiga sa ngitngit nga dapit, hangtod magsingabot na ang adlaw ug mosubang ang bituon nga kabugason diha sa inyong mga kasingkasing.

Cross References

Salmo 119:105

Ang imong pulong suga sa akong mga tiil, ug kahayag sa akong agianan.

Mga Panultihon 6:23

Kay ang sugo maoy usa ka lampara, ug ang pagtudlo usa ka suga, ug ang mga pagbadlong aron sa pagpanton maoy dalan sa kinabuhi,

Isaias 14:12

“Naunsa ba nga nahulog man ikaw gikan sa langit, O kabugason, anak sa kabuntagon! Naunsa ba nga nalumpag man ikaw ngadto sa yuta, ikaw nga naglumpag sa mga nasod!

Isaias 41:26

Kinsay nagpahayag niini gikan sa sinugdan, aron kita masayod, ug sa unang panahon, aron kita moingon, “Siya matarong”? Walay si bisan kinsa nga nagpahayag niini, walay nagpahayag, walay bisan usa nga namati sa imong mga pulong.

Isaias 8:20

Ngadto sa pagtulun-an ug sa pagpamatuod! Kay kining pulonga nga ilang gisulti wala gayoy kabuntagon.

Isaias 9:2

Ang katawhan nga naglakaw sa kangitngit nakakita ug usa ka dakong kahayag, kadtong nagpuyo diha sa yuta nga hilabihan kangitngit, sa ibabaw nila misidlak ang kahayag.

Mateo 4:16

ang mga tawo nga nagpuyo taliwala sa kangitngit nakakita ug dakong kahayag, ug kanila nga nagpuyo sa yuta ug sa landong sa kamatayon midan-ag ang kahayag.”

Juan 5:35

Si Juan usa ka suga nga nagsiga ug nagdan-ag, ug sulod sa usa ka panahon gikahimut-an ninyo ang pagkalipay diha sa iyang kahayag.

Juan 5:39

Kamo nagsusi sa Kasulatan kay naghunahuna man kamo nga pinaagi niini makaplagan ninyo ang kinabuhing dayon, hinuon mao kini ang nagpamatuod mahitungod kanako,

Juan 8:12

Unya misulti pag-usab si Jesus kanila nga nag-ingon, “Ako mao ang kahayag sa kalibotan. Siya nga magsunod kanako dili gayod maglakaw sa kangitngit, hinuon makabaton siya sa kahayag sa kinabuhi.”

Mga Buhat 15:29

ang paglikay sa gihalad ngadto sa mga diosdios ug sa dugo, ug gikan sa mga mananap nga tinuok ug sa salawayong pakighilawas. Kon kamo maglikay gikan niining mga butanga, magbuhat kamo ug maayo. Adios.”

Mga Buhat 17:11

Unya kini nga mga Judio ligdong pa kay sa mga Judio didto sa Tesalonica kay sila midawat sa pulong uban sa bug-os nga kaikag, matag adlaw nagsusi sa kasulatan kon tinuod ba kining mga butanga.

Mga Hebreo 2:2

Kay kon lig-on ang pulong nga gipahayag sa mga anghel, ug nahiagom sa angay nga balos ang tanang paglapas o pagsupak,

Santiago 2:8

Kon inyo man gayod nga gituman ang harianong balaod sumala sa kasulatan, “Higugmaa ang imong isigkatawo sama sa imong kaugalingon,” maayo ang inyong gibuhat.

1 Pedro 1:10

Ang mga propeta nga nagpropesiya mahitungod sa grasya nga alang kaninyo nangita ug nagpakisusi mahitungod niining maong kaluwasan.

1 Juan 5:10

Ang nagtuo sa Anak sa Dios nagbaton sa pamatuod diha sa iyang kaugalingon. Ang wala magtuo sa Dios, naghimo kaniya nga bakakon, kay wala man niya tuohi ang pamatuod nga gihimo sa Dios mahitungod sa iyang Anak.

3 Juan 1:6

Nagpamatuod sila sa imong gugma sa atubangan sa iglesia. Maayo unta kon makapagikan ikaw kanila sa paagi nga takos diha sa Dios.

Gipadayag 2:28

ingon nga kini akong nadawat gikan sa akong Amahan, ug ihatag nako kaniya ang bituon nga kabugason.

Gipadayag 22:16

“Ako, si Jesus, ang nagpadala kaninyo sa akong anghel uban niining pagpamatuod alang sa mga iglesia. Ako mao ang gamot ug ang kaliwat ni David, ang hayag nga bituon sa kabuntagon.”