2 Pedro 1:18

Ang Biblia 2011

Kami nakabati gayod sa maong tingog gikan sa langit, sa dihang kami uban kaniya didto sa bukid nga balaan.

Cross References

Exodo 3:1

Samtang si Moises nagbantay sa panon sa mga hayop ni Jetro nga iyang ugangan nga pari sa Midian, iyang gidala ang panon sa mga hayop ngadto sa kasadpang bahin sa kamingawan ug miadto sa Horeb, ang bukid sa Dios.

Exodo 3:5

Unya ang Dios miingon, “Ayaw pagduol. Huboa ang imong mga sandalyas gikan sa imong mga tiil, kay ang dapit nga imong gitindogan yuta nga balaan.”

Isaias 11:9

Dili sila manghilabot o mangguba diha sa tanan nakong bukid nga balaan; kay ang yuta mapuno sa kahibalo sa Ginoo, sama sa mga tubig nga nagtabon sa dagat.

Isaias 56:7

kini akong dad-on ngadto sa akong bukid nga balaan, ug himoon nako sila nga malipayon diha sa akong balay nga ampoanan; ang ilang mga halad nga sinunog ug ang ilang mga halad nga inihaw dawaton nako sa ibabaw sa akong halaran, kay ang akong balay tawgon nga usa ka balay nga ampoanan alang sa tanang mga katawhan.

Zacarias 8:3

Mao kini ang giingon sa Ginoo: Mobalik ako sa Zion, ug mopuyo taliwala sa Jerusalem, ug ang Jerusalem tawgon nga matinumanong siyudad, ug ang bukid sa Ginoo sa mga panon, ang balaan nga bukid.

Mateo 17:6

Sa pagkabati sa mga tinun-an niini, mihapa sila ug nangalisang pag-ayo.

Josue 5:15

Ug ang tigmando sa panon sa kasundalohan sa Ginoo miingon kang Josue, “Huboa ang imong sandalyas gikan sa imong tiil kay ang dapit nga imong gitindogan, balaan.” Ug si Josue mibuhat sa ingon.