2 Pedro 1:14

Ang Biblia 2011

kay ako nasayod nga dili na madugay ang pagbiya nako niining maong lawas sumala sa gipadayag kanako sa atong Ginoong Jesu-Cristo.

Cross References

Isaias 38:12

Ang akong pinuy-anan gibalhin ug gikuha gikan kanako sama sa usa ka tolda sa tigbantay sa karnero; gilukot nako ang akong kinabuhi sama sa usa ka maghahabol; iya akong giputol gikan sa hablanan; gikan sa adlaw hangtod sa gabii, ikaw maoy magtapos kanako.

Juan 13:36

Si Simon Pedro miingon kaniya, “Ginoo, asa man ikaw moadto?” Si Jesus mitubag kaniya, “Kon asa ako moadto, dili pa ikaw makasunod kanako karon, apan makasunod ra unya ikaw.”

Mga Buhat 20:25

Ug karon, tan-awa, ako nahibalo nga kamong tanan nga akong naadtoan sa pagwali nako sa gingharian, dili na makakita sa akong nawong.

2 Mga Taga-Corinto 5:1

Kay kita nasayod nga kon madugta na kining atong yutan-ong puluy-anan nga tolda, aduna kitay tinukod sa Dios, usa ka balay nga dili binuhat sa mga kamot, walay kataposan didto sa langit.

Deuteronomio 31:14

Ang Ginoo miingon kang Moises, “Tan-awa, nagkaduol na ang mga adlaw nga ikaw mamatay. Tawga si Josue ug pangadto kamo sa tolda nga tagboanan aron ako maghatag kaniya sa katungdanan.” Ug sila si Moises ug si Josue nangadto ug nagpakita sa ilang kaugalingon didto sa tolda nga tagboanan.

2 Timoteo 4:6

Kay ako andam na nga ihalad ug ang panahon sa akong pagbiya miabot na.

Josue 23:14

“Ug karon hapit na ako moadto sa dalan sa tibuok nga yuta ug kamo nahibalo diha sa inyong mga kasingkasing ug mga kalag, kamong tanan, nga walay usa ka butang nga napakyas sa tanang mga maayong butang nga gisaad sa Ginoo nga inyong Dios mahitungod kaninyo. Ang tanan nahitabo kaninyo, walay usa niini nga napakyas.

2 Pedro 1:13

Akong giisip nga matarong ang pagdasig kaninyo pinaagi sa pagpahinumdom, samtang ania pa ako niining lawas,