2 Pedro 1:12

Ang Biblia 2011

Busa sa kanunay ako andam sa pagpahinumdom kaninyo niining mga butanga, bisan pa nga nasayod na kamo niini ug nalig-on na kamo sa kamatuoran nga inyong nabatonan.

Cross References

Mga Buhat 16:5

Tungod niini ang mga iglesia nalig-on sa pagtuo, ug sila nagkadaghan matag adlaw.

Mga Taga-Filipos 3:1

Sa kataposan, akong mga igsoon, paglipay kamo diha sa Ginoo. Ang pagsulat kaninyo sa mao gihapong mga butang dili makapuol kanako apan kaayohan alang kaninyo.

Mga Taga-Colosas 1:5

tungod sa paglaom nga gikatagana alang kaninyo didto sa langit. Nadungog kini ninyo kaniadto pinaagi sa pulong sa kamatuoran sa Maayong Balita

Mga Taga-Colosas 2:7

pinagamot ug pinatubo diha kaniya ug gilig-on diha sa pagtuo, ingon nga gitudloan kamo niini, nag-awas sa pagpasalamat.

1 Timoteo 4:6

Kon kining mga butanga imong itudlo sa mga igsoon, ikaw mahimong maayong alagad ni Cristo Jesus, gimatuto sa mga pulong sa pagtuo ug sa maayong pagtulun-an nga imong gisunod.

2 Timoteo 1:6

Tungod niini, ako nagpahinumdom kanimo sa pagpasiga pag-usab sa gasa nga anaa kanimo pinaagi sa pagpandong kanimo sa akong mga kamot,

Mga Hebreo 10:32

Apan hinumdomi ninyo ang nangaging mga adlaw nga human kamo malamdagi, giantos ninyo ang lisod nga pagpakigbisog sa mga kasakitan.

Mga Hebreo 13:9

Ayaw na kamo pagpaanod sa nagkalainlain ug lahi nga mga tinuohan kay ang maayo mao nga ang kasingkasing malig-on pinaagi sa grasya, dili pinaagi sa mga pagkaon nga wala makahatag ug kaayohan kanila nga mga nagkinabuhi subay niini.

1 Pedro 5:10

Ug human kamo makaantos sa makadiyot, ang Dios sa tanang grasya nga nagtawag kaninyo ngadto sa iyang dayon nga himaya diha kang Cristo, mao gayod ang mangunay sa pagpahiuli, paglig-on, pagpabaskog ug pagpahimutang kaninyo.

1 Pedro 5:12

Pinaagi kang Silvano, igsoon nga kasaligan sumala sa akong pag-isip kaniya, nagsulat ako kaninyo sa minubo. Ako nagdasig kaninyo ug nagpahayag nga kini mao ang matuod nga grasya sa Dios, kinahanglan nga maglig-on kamo sa pagbarog niini.

2 Pedro 1:13

Akong giisip nga matarong ang pagdasig kaninyo pinaagi sa pagpahinumdom, samtang ania pa ako niining lawas,

2 Pedro 1:15

Ug akong paningkamotan aron nga bisan kon unya mobiya na ako, makahimo gihapon kamo sa paghinumdom niining mga butanga bisan kanus-a.

2 Pedro 3:1

Mga hinigugma, kini karon mao ang ikaduhang sulat nga akong gisulat kaninyo, nga niini nagdasig ako sa inyong lunsay nga salabotan agi ug pagpahinumdom,

2 Pedro 3:17

Busa mga hinigugma, kamo nga nasayod nang daan niini, pagbantay kay basin unya ug madala kamo sa kasaypanan sa mga tawong malapason ug mangapukan kamo gikan sa inyong kalig-on.

1 Juan 2:21

Ako wala magsulat kaninyo tungod kay wala kamo mahibalo sa kamatuoran, kondili tungod kay kamo nahibalo na niini ug nga walay bakak nga naggikan sa kamatuoran.

2 Juan 1:2

tungod sa kamatuoran nga nagpabilin kanato ug mag-uban kanato hangtod sa kahangtoran:

Judas 1:17

Apan kamo, mga hinigugma, hinumdumi ang mga gisulti kaniadto sa mga apostoles sa atong Ginoong Jesu-Cristo,

Judas 1:3

Mga hinigugma, maikagon gayod ako sa pagsulat kaninyo mahitungod sa atong gikausahang kaluwasan, kay gikinahanglan ang pagsulat nako aron pagdasig kaninyo sa pagpakigbisog alang sa pagtuo nga makausa lamang itugyan ngadto sa mga balaan.

Judas 1:5

Karon buot nakong ipahinumdom kaninyo, bisan tuod nasayran na ninyo kining mga butanga nga ang Ginoo sa makausa nagluwas sa katawhan gikan sa yuta sa Ehipto ug sa kaulahian iyang gilaglag ang mga wala magtuo.