2 Pedro 1:11

Ang Biblia 2011

Busa aduna unyay daghan kaayong pagpahigayon alang kaninyo sa pagsulod ngadto sa dayong gingharian sa atong Ginoo ug Manluluwas nga si Jesu-Cristo.

Cross References

Salmo 145:13

Ang imong gingharian usa ka dayong gingharian ug ang imong paghari molungtad ngadto sa tanang mga kaliwatan. Ang Ginoo matinumanon sa tanan niyang mga pulong, ug puno sa grasya diha sa tanan niyang mga buhat.

Salmo 36:8

Sila nabuhong sa kadagaya sa imong balay, ug ikaw naghatag kanila ug mainom gikan sa sapa sa imong mga kalipay.

Awit sa mga Awit 5:1

Mianhi ako sa akong tanaman, igsoon ko, akong pangasaw-onon, gitigom nako ang akong mira uban ang akong panakot, gikaon nako ang akong udlan uban ang sa akong dugos giinom nako ang akong bino uban ang akong gatas. Pangaon kamo, O mga higala, ug panginom; daghana pag-inom, O mga hinigugma.

Isaias 35:2

kini mamulak pag-ayo, ug maglipay uban sa kasadya ug pag-awit. Ang himaya sa Lebanon ihatag ngadto niini, ang katahom sa Carmelo ug sa Sharon. Sila makakita sa himaya sa Ginoo, sa kahalangdon sa atong Dios.

Isaias 9:7

Mahitungod sa kauswagan sa iyang kagamhanan ug sa pakigdait kini walay kataposan, ibabaw sa trono ni David ug ibabaw sa iyang gingharian, aron sa pagtukod niini, ug sa pagtuboy niini uban ang hustisya ug pagkamatarong sukad karon ug hangtod sa kahangtoran. Ang kadasig sa Ginoo sa mga panon maoy maghimo niini.

Daniel 7:14

Ug gihatag kaniya ang paggahom, ug himaya ug gingharian aron ang tanang mga katawhan, mga nasod, ug mga pinulongan mag-alagad kaniya; ang iyang paggahom walay kataposan, paggahom nga dili molabay, ug ang iyang gingharian dili mapukan.

Daniel 7:27

Ug ang gingharian ug ang paggahom ug ang pagkagamhanan sa mga gingharian ilalom sa tibuok nga langit, ihatag ngadto sa katawhan sa mga balaan sa Labing Halangdon; ang ilang gingharian walay kataposan nga gingharian, ug ang tanan nga ginsakpan mag-alagad ug motuman kanila.”

Mateo 25:34

Unya ang Hari moingon kanila nga diha sa iyang tuo, ‘Duol ngari, kamong mga dinayeg sa akong Amahan, dawata ninyo ang gingharian nga gitagana alang kaninyo sukad pa sa pagkatukod sa kalibotan.

Juan 10:10

Ang kawatan moanhi aron lamang sa pagpangawat ug sa pagpatay ug sa paglaglag. Ako mianhi aron sila makabaton ug kinabuhi ug magbaton niini sa madagayaon gayod.

Roma 2:4

O nagsalig ba ikaw sa kadagaya sa iyang kaayo ug pagkamainantoson ug pagkamapailobon? Wala ba ikaw masayod nga ang kaayo sa Dios alang man sa pagdala kanimo ngadto sa paghinulsol?

1 Mga Taga-Corinto 15:24

Unya moabot ang kataposan, sa dihang itugyan niya ang gingharian ngadto sa Dios ug Amahan, sa dihang mapukan na niya ang tanang pamunoan ug tanang awtoridad ug gahom.

2 Mga Taga-Corinto 5:1

Kay kita nasayod nga kon madugta na kining atong yutan-ong puluy-anan nga tolda, aduna kitay tinukod sa Dios, usa ka balay nga dili binuhat sa mga kamot, walay kataposan didto sa langit.

Mga Taga-Efeso 3:20

Ug ngadto kaniya, nga pinaagi sa gahom nga naglihok sulod kanato makahimo ug labaw pa gayod kay sa tanan natong gipangayo ug gihunahuna,

1 Timoteo 6:17

Sa mga dato niining panahona karon, sugoa sila nga dili magpataas sa ilang kaugalingon o magbutang sa ilang paglaom diha sa walay kasigurohan nga mga bahandi, kondili diha sa Dios nga madagayaong naghatag kanato sa tanang butang alang sa atong kalipay.

2 Timoteo 4:18

Ang Ginoo magpalingkawas kanako gikan sa tanang buhat nga daotan ug magluwas kanako alang sa iyang langitnong gingharian. Kaniya ang himaya hangtod sa kahangtoran. Amen.

2 Timoteo 4:8

Sukad karon adunay gitagana alang kanako nga purongpurong sa pagkamatarong nga niadto unyang adlawa iganti kanako sa Ginoo, ang matarong nga maghuhukom, ug dili lamang kanako ra kondili usab sa tanang mga nahigugma sa iyang pagpadayag.

Mga Hebreo 6:17

Busa, sa dihang buot ipatin-aw pag-ayo sa Dios ngadto kanila nga manunod sa saad nga dili gayod mausab ang iyang katuyoan, gipalig-on niya kini pinaagi sa usa ka panumpa,

2 Pedro 1:1

Si Simon Pedro, ulipon ug apostol ni Jesu-Cristo, Alang sa mga nakadawat sa pagtuo nga sama ka bililhon sa among pagtuo diha sa pagkamatarong sa atong Dios ug Manluluwas nga si Jesu-Cristo:

2 Pedro 1:5

Tungod niining butanga, himoa ninyo ang tanang paningkamot aron nga sa inyong pagtuo modugang ang kaligdong, ug sa kaligdong ang kahibalo,

2 Pedro 2:20

Kay kon makalingkawas sila gikan sa kahugawan sa kalibotan pinaagi sa ilang kahibalo sa atong Ginoo ug Manluluwas nga si Jesu-Cristo apan magapos na usab sila niini ug mabuntog, ang ulahing kahimtang nila labaw pa unya ka ngil-ad kay sa una.

2 Pedro 3:18

Apan kinahanglan nga motubo kamo diha sa grasya ug sa kahibalo sa atong Ginoo ug Manluluwas nga si Jesu-Cristo. Kaniya ang himaya karon ug hangtod sa kahangtoran. Amen.

Gipadayag 3:21

Ang magmadaogon tugotan nako sa paglingkod sa akong trono uban kanako, ingon nga ako usab nagmadaogon ug milingkod uban sa akong Amahan diha sa iyang trono.

Gipadayag 5:10

ug gihimo nimo sila nga usa ka gingharian ug mga pari ngadto sa atong Dios, ug sila maghari sa yuta.”