2 Mga Hari 8:6

Ang Biblia 2011

Ug sa pagpangutana sa hari sa babaye, iyang gisuginlan siya. Busa ang hari nagtudlo ug usa ka tinugyanan alang kaniya, nga nag-ingon, “Iuli ang tanan nga iya lakip ang tanang abot sa uma sukad sa adlaw nga siya mitalikod sa yuta hangtod karon.”

Cross References

Genesis 37:36

Ug si Jose gibaligya sa mga Medianhon didto sa Ehipto, ngadto kang Potifar, ang sinaligan sa Paraon ug kapitan sa mga bantay.

2 Samuel 9:7

Ug si David miingon kaniya, “Ayaw kahadlok kay ako magpakita kanimo ug kaluoy tungod ug alang kang Jonatan nga imong amahan, ug iuli nako kanimo ang tanang yuta ni Saul nga imong apohan, ug anhi ka na magkaon kanunay sa akong lamisa.”

2 Mga Hari 8:5

Ug samtang nagsugilon siya sa hari kon giunsa ni Eliseo pagbanhaw ang namatay, ang babaye nga ang anak gibanhaw, mihangyo sa hari alang sa iyang balay ug sa iyang yuta. Ug si Gihasi miingon, “Akong agalon, O hari, ania ang babaye ug ang iyang anak nga gibanhaw ni Eliseo.”

2 Mga Hari 8:7

Unya si Eliseo miadto sa Damasco. Si Ben-hadad nga hari sa Siria nasakit ug sa dihang gisugilon kaniya, “Ang tawo sa Dios nagpaingon nganhi,”

2 Mga Hari 9:32

Ug gihangad niya ang iyang nawong sa tamboanan, ug miingon, “Kinsay dapig kanako? Kinsa?” Ug didtoy duha o tulo ka yunoko nga mitan-aw kaniya.

1 Cronicas 28:1

Unya gitigom ni David sa Jerusalem ang tanang mga tinugyanan sa Israel, ang mga tinugyanan sa mga banay, ang mga pangulo sa mga hut-ong nga nag-alagad sa hari, ang mga tigmando sa mga linibo, ang mga tigmando sa mga ginatos, ug ang mga piniyalan sa tanang mga katigayonan ug kahayopan nga iya sa hari ug sa iyang mga anak uban sa mga tinugyanan sa palasyo, mga tawong bantogang ug ang tanang hanas sa gubat.

Mga Panultihon 16:7

Kon ang mga pamaagi sa usa ka tawo makapahimuot sa Ginoo, iyang himoon bisan ang iyang mga kaaway nga makigdait kaniya.

Mga Panultihon 21:1

Ang kasingkasing sa hari diha sa kamot sa Ginoo sama sa mga bul-og sa tubig; palikoon niya kini bisan asa nga buot niya.

Deuteronomio 22:2

Ug kon ang imong igsoon dili duol kanimo o wala ikaw makaila kaniya, dad-a ang nawala ngadto sa imong balay ug kini anha uban kanimo hangtod nga ang imong igsoon mangita niini ug iuli kini kaniya.

Mga Maghuhukom 11:13

Ug ang hari sa mga Amonihanon mitubag sa mga sinugo ni Jefta, “Tungod kay ang Israel mikuha sa akong yuta sa diha nga siya mianhi gikan sa Ehipto, gikan sa Arnon hangtod sa Jabok ug ngadto sa Jordan. Busa karon, iuli kadtong mga yutaa nga malinawon.”