2 Mga Hari 6:8

Ang Biblia 2011

Usa ka higayon niana, ang hari sa Siria nakiggubat batok sa Israel, ug nakigsabot siya uban sa iyang mga sulugoon, nga nag-ingon, “Diha nianang dapita anha ako magkampo.”

Cross References

1 Mga Hari 20:1

Unya gitigom ni Ben-hadad nga hari sa Siria ang tanan niyang kasundalohan ug may 32 ka hari nga uban kaniya ug mga kabayo ug mga karwahi, ug mitungas siya ug gilibotan ang Samaria ug nakig-away batok kanila.

1 Mga Hari 20:23

Ug ang mga sulugoon sa hari sa Siria miingon kaniya, “Ang ilang mga dios dios sa mga kabungtoran busa gamhanan pa kay kanato, apan makig-away kita kanila didto sa kapatagan ug sa walay duhaduha kita mahimong kusgan kay kanila.

1 Mga Hari 20:34

Ug si Ben-hadad miingon kaniya, “Ang mga siyudad nga giilog sa akong amahan gikan sa imong amahan akong iuli, ug ikaw magtukod ug mga tindahan alang sa imong kaugalingon didto sa Damasco, sama sa gihimo sa akong amahan didto sa Samaria.” Ug si Ahab miingon, “Buhian ikaw nako ubos niining kasabotan.” Busa naghimo siya ug usa ka kasabotan uban kaniya ug gibuhian siya.

1 Mga Hari 22:1

Sulod sa tulo ka tuig nagpadayon nga walay gubat tali sa Siria ug sa Israel.

1 Mga Hari 22:31

Unya ang hari sa Siria nagsugo sa 32 ka pangulo sa iyang mga karwahi, nga nag-ingon, “Ayaw pagpakig-away batok sa gamay o sa dako, gawas lamang sa hari sa Israel.”

2 Mga Hari 6:24

Human niadto, gitigom ni Ben-hadad nga hari sa Siria ang tanan niyang kasundalohan, ug mitungas ug gilibotan ang Samaria.

2 Mga Hari 6:7

Ug siya miingon, “Punita kana.” Busa gikab-ot niya kini sa iyang kamot ug gikuha.

2 Mga Hari 6:9

Apan ang tawo sa Dios nagpasugo ngadto sa hari sa Israel ug nag-ingon, “Pagbantay nga dili ikaw moagi niadtong dapita kay ang mga Sirianhon manglugsong didto.”

Mga Panultihon 20:18

Ang mga laraw mahimo pinaagi sa pagtambag; pinaagi sa maalamong pagmando ikaw makiggubat.

Mga Panultihon 21:30

Walay kaalam, walay salabotan, walay tambag nga magpulos batok sa Ginoo.

Isaias 8:10

Pagsabot kamo, apan kini mahimong walay kapuslanan, isulti ang pulong apan dili kini mobarog, kay ang Dios ania nag-uban kanato.