2 Mga Hari 6:1

Ang Biblia 2011

Unya ang pundok sa mga propeta miingon kang Eliseo, “Tan-awa, ang dapit nga among gipuy-an nga ubos sa imong pagdumala gamay ra kaayo alang kanamo.

Cross References

1 Mga Hari 20:35

Unya usa ka tawo sa mga anak nga lalaki sa mga propeta miingon sa iyang kauban pinaagi sa sugo sa Ginoo, “Tigbasa ako.” Apan ang tawo midumili sa pagsamad kaniya.

2 Mga Hari 2:15

Unya sa pagkakita kaniya sa pundok sa mga propeta nga didto sa Jerico atbang kaniya, sila miingon, “Ang espiritu ni Elias anaa kang Eliseo.” Ug sila nangadto sa pagtagbo kaniya ug miyukbo diha sa yuta sa atubangan niya.

2 Mga Hari 2:3

Ug ang pundok sa mga propeta nga didto sa Betel miadto kang Eliseo ug miingon kaniya, “Nahibalo ba ikaw nga niining adlawa kuhaon sa Ginoo gikan kanimo ang imong agalon?” Ug siya miingon, “Oo, nahibalo ako niini, paghilom kamo.”

2 Mga Hari 2:5

Ang pundok sa mga propeta nga didto sa Jerico, miduol kang Eliseo ug miingon kaniya, “Nahibalo ba ikaw nga niining adlawa kuhaon sa Ginoo gikan kanimo ang imong agalon?” Ug siya mitubag, “Oo, nahibalo ako niini, paghilom kamo.”

2 Mga Hari 2:7

Ug 50 sa mga anak nga lalaki sa mga propeta nangadto usab ug nagtindog layo kanila samtang silang duha nagtindog duol sa Jordan.

2 Mga Hari 4:1

Unya ang asawa sa usa sa mga anak sa mga propeta mihilak ngadto kang Eliseo, “Ang imong sulugoon nga akong bana namatay ug ikaw nahibalo nga ang imong sulugoon mahadlokon sa Ginoo ug ang tigpautang ug salapi ania aron sa pagkuha sa akong duha ka anak aron himoon niyang ulipon.”

2 Mga Hari 4:38

Unya si Eliseo miadto pag-usab sa Gilgal sa dihang may gutom didto sa yuta. Ug ang pundok sa mga propeta naglingkod sa iyang atubangan ug siya miingon sa iyang sulugoon, “Itak-ang ang dakong kulon ug pagluto ug utan alang sa pundok sa mga propeta.”

2 Mga Hari 6:2

Paadtoa kami sa Jordan ug ang matag usa kanamo manguha ug kahoy didto ug tugoti kami sa paghimo didto ug balay nga among kapuy-an.” Ug siya mitubag, “Lakaw kamo.”

Job 36:16

Naglukmay usab siya kanimo gikan sa kalisdanan ngadto sa usa ka dapit nga lapad diin walay kahuot, ug kadtong gibutang sa imong lamisa puno sa katambok.

Mga Hebreo 11:34

gipalong nila ang bangis nga kalayo, nakaikyas sila sa sulab sa espada, nalig-on gikan sa kahuyang, nangahimo sila nga kusgan diha sa panggubatan, ilang gipatibulaag ang mga kasundalohang langyaw.

Josue 17:14

Ug ang mga banay ni Jose misulti kang Josue nga nag-ingon, “Nganong gihatagan man nimo kami ug usa ka luna ug usa ka bahin ingon nga panulundon, bisan kon kami usa ka dakong katawhan, kay ang Ginoo nagpanalangin kanamo sa ingon niini hangtod karon?”

Josue 19:47

Sa diha nga ang yuta sa mga Danihanon nawala gikan kanila, nanungas sila ug nakiggubat sa Lesem. Ug human makuha kini ug mapahiagom sa espada ug napanag-iya, namuyo sila didto, ang Lesem gitawag nila ug Dan, kinuha sa ngalan ni Dan nga ilang katigulangan.

1 Samuel 19:20

Unya si Saul nagpadala ug mga sinugo aron sa pagpakuha kang David, ug sa pagkakita nila sa panon sa mga propeta nga nagpropesiya ug kang Samuel nga nagtindog ingon nga ilang pangulo, ang Espiritu sa Dios miabot sa ibabaw sa mga sinugo ni Saul ug sila usab nagpropesiya.