2 Mga Hari 5:3

Ang Biblia 2011

Ug siya miingon sa iyang agalon nga babaye, “Kon ang akong agalon uban pa unta sa propeta nga atua sa Samaria, mamaayo unta siya sa iyang sanla.”

Cross References

2 Mga Hari 5:2

Ang mga Sirianhon, sa usa nila ka pagsulong sa yuta sa Israel, nakabihag ug usa ka dalagita ug nag-alagad siya sa asawa ni Naaman.

2 Mga Hari 5:4

Busa misulod si Naaman ug gisuginlan ang iyang agalon, “Ingon niini ang gisulti sa dalagita nga gikan sa yuta sa Israel.”

2 Mga Hari 5:8

Apan sa pagkadungog ni Eliseo nga tawo sa Dios nga ang hari sa Israel naggisi sa iyang mga bisti, iyang gipasugoan ang hari nga nag-ingon, “Nganong gigisi man nimo ang imong mga bisti? Paanhia siya karon kanako aron siya mahibalo nga adunay usa ka propeta sa Israel.”

Numeros 11:29

Apan si Moises mitubag kaniya, “Nasina ba ikaw alang kanako? Maayo unta kon ang tibuok nga katawhan sa Ginoo mga propeta pa, nga ibutang sa Ginoo ang iyang Espiritu diha kanila!”

Mateo 11:5

ang mga buta makakita na ug ang mga bakol makalakaw na ug ang mga sanlahon nahinloan ug ang mga bungol makabati na ug ang mga patay gipamanhaw ug ang mga kabos giwalihan sa Maayong Balita.

Mga Buhat 26:29

Ug si Pablo miingon, “Sa mubo o taas, nag-ampo ako sa Dios nga dili lamang ikaw ra kondili ang tanan usab nga nakadungog kanako karong adlawa mahimo untang sama kanako, gawas niining mga kadena.”

1 Mga Taga-Corinto 4:8

Karon kay natagbaw na man kamo, nangadato na kamo! Kamo naghari nga wala kami! Kon naghari pa lang gayod unta kamo, maghari unta kami uban kaninyo!