2 Mga Hari 4:13

Ang Biblia 2011

Ug siya miingon kaniya, “Karon ingna siya, Tan-awa, ikaw nahasol pag-ayo alang kanamo, unsay angayng buhaton alang kanimo? Aduna ka bay buot isulti ngadto sa hari, o ngadto sa tigmando sa kasundalohan?” Ug siya mitubag, “Ako nagpuyo uban sa akong kaugalingong katawhan.”

Cross References

Genesis 14:24

Wala akoy kuhaon gawas sa gipangaon sa mga batan-on ug ang bahin sa mga tawo nga miuban kanako: si Aner, si Escol ug si Mamre. Ihatag kanila ang ilang bahin.”

2 Samuel 19:13

Ug ingna ninyo si Amasa, ‘Dili ba ikaw mao ang akong bukog ug akong unod? Ang Dios magbuhat sa ingon kanako ug labaw pa usab, kon ikaw dili magmando sa akong kasundalohan ingon nga puli ni Joab.’ ”

1 Mga Hari 2:32

Ug ang Ginoo mopasumbalik sa iyang mga dugoong buhat ngadto sa iyang kaugalingong ulo, tungod kay sa walay pagpahibalo sa akong amahan nga si David, gipatay niya ang duha ka tawo nga matarong ug maayo kay kaniya, nga mao si Abner nga anak ni Ner nga tigmando sa kasundalohan sa Israel ug si Amasa nga anak ni Jeter nga tigmando sa kasundalohan sa Juda.

2 Mga Hari 4:12

Ug siya miingon kang Gihasi nga iyang sulugoon, “Tawga kining Sunamhanon.” Ug sa natawag na niya siya, mitindog siya sa iyang atubangan.

2 Mga Hari 4:14

Ug siya miingon, “Unsa man ang angayng buhaton alang kaniya?” Ug si Gihasi mitubag, “Sa pagkamatuod, wala siyay anak ug ang iyang bana tigulang na.”

2 Mga Hari 8:1

Si Eliseo miingon ngadto sa babaye nga ang anak iyang gibanhaw, “Tindog ug biya uban sa imong panimalay ug puyo sa bisan diin nga imong mapuy-an kay ang Ginoo nagpatawag ug usa ka gutom ug moabot kini sa yuta sulod sa pito ka tuig.”

2 Mga Hari 9:5

Ug sa pag-abot niya, ang mga tigmando sa kasundalohan nagtigom ug siya miingon, “Aduna akoy tuyo kaninyo, O tigmando.” Ug si Jehu miingon, “Kang kinsa kanamong tanan?” Ug siya miingon, “Kanimo, O tigmando.”

Salmo 37:3

Salig sa Ginoo, ug buhata ang maayo; aron magpuyo ikaw sa yuta ug mahilayo sa kadaotan.

Roma 16:2

aron inyo siyang dawaton diha sa Ginoo ingon nga angay sa mga balaan, ug tabangan ninyo siya sa bisan unsa nga iyang gikinahanglan gikan kaninyo, kay daghan ang iyang gitabangan, lakip ako.

Roma 16:6

Ipangumosta ako kang Maria nga naghago pag-ayo uban kaninyo.

Mga Hebreo 13:5

Bantayi ang inyong kinabuhi nga malikay sa pagkamahigugmaon sa salapi ug himoa nga matagbaw kamo sa inyong mga naangkon karon, kay siya gayod mao ang nag-ingon, “Dili ko gayod ikaw pasagdan o biyaan.”

Mga Hebreo 6:10

Kay ang Dios dili daotan nga tungod niana kalimtan na lamang niya ang inyong buhat ug ang gugma nga inyong gipadayag alang kaniya pinaagi sa inyong pag-alagad sa mga balaan, sama sa inyo pa gihapong gibuhat.