2 Mga Hari 4:12

Ang Biblia 2011

Ug siya miingon kang Gihasi nga iyang sulugoon, “Tawga kining Sunamhanon.” Ug sa natawag na niya siya, mitindog siya sa iyang atubangan.

Cross References

1 Mga Hari 18:43

Ug siya miingon sa iyang alagad, “Tungas karon, tan-aw ngadto sa dagat.” Ug siya mitungas ug mitan-aw ug miingon, “Walay bisan unsa.” Ug siya miingon, “Lakaw pag-usab sa makapito.”

1 Mga Hari 19:3

Unya nahadlok siya busa mibangon siya ug milakaw alang sa iyang kinabuhi ug miadto sa Beer-seba nga sakop sa Juda ug gibiyaan ang iyang sulugoon didto.

2 Mga Hari 3:11

Apan si Jehosafat miingon, “Wala bay propeta sa Ginoo dinhi nga maoy atong pakisayran mahitungod sa Ginoo?” Ug ang usa sa mga sulugoon sa hari sa Israel mitubag, “Si Eliseo nga ang anak ni Safat ania dinhi, siya nga mibubo ug tubig sa mga kamot ni Elias.”

2 Mga Hari 4:11

Usa ka adlaw niana siya miadto, ug misulod siya sa lawak ug mipahulay didto.

2 Mga Hari 4:13

Ug siya miingon kaniya, “Karon ingna siya, Tan-awa, ikaw nahasol pag-ayo alang kanamo, unsay angayng buhaton alang kanimo? Aduna ka bay buot isulti ngadto sa hari, o ngadto sa tigmando sa kasundalohan?” Ug siya mitubag, “Ako nagpuyo uban sa akong kaugalingong katawhan.”

Mga Buhat 13:5

Sa pag-abot nila sa Salamis, ilang giwali ang pulong sa Dios sulod sa mga sinagoga sa mga Judio. Ug si Juan didto uban kanila aron motabang kanila.