2 Mga Hari 3:3

Ang Biblia 2011

Apan nagpabilin siya diha sa sala ni Jeroboam nga anak ni Nebat, nga naghimo sa Israel sa pagpakasala. Siya wala mobiya gikan niini.

Cross References

1 Mga Hari 13:33

Human niining hitaboa si Jeroboam wala mobiya gikan sa daotan niyang mga binuhatan, hinuon nagtudlo pag-usab ug mga pari gikan sa tanang katawhan alang sa mga habog nga dapit; bisan kinsa nga buot magpari iyang gibalaan aron may mga pari alang sa mga habog nga dapit.

1 Mga Hari 14:16

Iyang isalikway ang Israel tungod sa mga sala ni Jeroboam nga iyang nahimo ug nakaangin sa Israel sa pagpakasala.”

1 Mga Hari 14:9

apan ikaw naghimo ug daotan labaw pa sa tanan nga una kanimo ug miadto ug naghimo ug laing mga dios ug mga hinulma nga mga larawan nga naghagit kanako sa pagkasuko ug nagsalikway kanako ngadto sa imong luyo.

1 Mga Hari 15:26

Naghimo siya ug daotan diha sa panan-aw sa Ginoo, ug naglakaw diha sa dalan sa iyang amahan ug giangin niya ang Israel sa pagpakasala.

1 Mga Hari 15:34

Ug siya nagbuhat ug daotan diha sa panan-aw sa Ginoo ug naglakaw sa dalan ni Jeroboam ug nag-angin sa Israel ngadto sa pagpakasala.

1 Mga Hari 16:31

Ug ingon ug usa lamang ka gaan nga butang alang kaniya ang paglakaw diha sa mga sala ni Jeroboam nga anak ni Nebat; iyang gipangasawa si Jesebel nga anak ni Etbaal nga hari sa mga Sidonhanon ug miadto ug nag-alagad kang Baal ug nagsimba kaniya.

2 Mga Hari 13:11

Gibuhat usab niya ang daotan diha sa panan-aw sa Ginoo ug wala siya mobiya sa tanang mga sala ni Jeroboam nga anak ni Nebat nga nakapahimo sa Israel sa pagpakasala, apan naglakaw diha niini.

2 Mga Hari 13:2

Ug siya naghimo ug daotan diha sa panan-aw sa Ginoo, ug misunod sa mga sala ni Jeroboam nga anak ni Nebat, nga nakahimo sa Israel sa pagpakasala. Siya wala mobiya gikan niini.

2 Mga Hari 13:6

Apan sa gihapon wala sila mobiya sa mga sala sa balay ni Jeroboam nga nakapahimo sa Israel sa pagpakasala apan naglakaw niini ug ang Asera nahibilin usab didto sa Samaria).

2 Mga Hari 14:24

Ug nagbuhat siya ug daotan diha sa panan-aw sa Ginoo. Wala siya mobiya gikan sa tanang sala ni Jeroboam nga anak ni Nebat nga naghimo sa Israel sa pagpakasala.

2 Mga Hari 15:18

Ug iyang gihimo ang daotan diha sa panan-aw sa Ginoo. Sa tanan niyang mga adlaw wala siya mobiya sa mga sala ni Jeroboam nga anak ni Nebat, nga nagpahimo sa Israel sa pagpakasala.

2 Mga Hari 15:9

Ug nagbuhat siya ug daotan diha sa panan-aw sa Ginoo, sama sa gibuhat sa iyang katigulangan. Wala siya mobiya sa mga sala ni Jeroboam nga anak ni Nebat, nga nagpahimo sa Israel sa pagpakasala.

2 Mga Hari 17:21

Sa dihang gilangkat ang Israel gikan sa balay ni David, gihimo nila nga hari si Jeroboam nga anak ni Nebat. Ug giabog ni Jeroboam ang Israel gikan sa pagsunod sa Ginoo ug gipabuhat silag dagkong mga sala.

2 Mga Hari 17:22

Ang katawhan sa Israel nagbuhat sa tanang mga sala nga gibuhat ni Jeroboam ug wala sila mobiya niini,

2 Mga Hari 17:23

hangtod nga gikuha sa Ginoo ang Israel gikan sa iyang panan-aw sumala sa iyang gipamulong pinaagi sa tanan niyang mga sulugoon nga mga propeta. Busa ang Israel nabihag gikan sa iyang kaugalingong yuta ngadto sa Asiria hangtod niining adlawa.

2 Mga Hari 21:16

Dugang pa, si Manases nag-ula sa daghan kaayong dugo sa mga walay sala, hangtod nga napuno niya ang Jerusalem gikan sa usa ka daplin ngadto sa pikas, gawas sa sala nga nakapahimo sa Juda sa pagpakasala nga tungod niana sila nagbuhat ug daotan sa mga mata sa Ginoo.

2 Mga Hari 23:15

Dugang pa, ang halaran nga diha sa Betel, ang habog nga dapit nga gibuhat ni Jeroboam nga anak ni Nebat nga naghimo sa Israel sa pagpakasala, kadtong halaran sa habog nga dapit iyang gilumpag ug gidugmok ang mga bato niini, gipulpog hangtod nga naabo ug gisunog usab niya ang Asera.