2 Mga Hari 3:14

Ang Biblia 2011

Ug si Eliseo miingon, “Ingon nga ang Ginoo sa mga panon buhi, siya nga akong gialagaran, sa pagkatinuod, kon wala pa unta ako magtahod kang Jehosafat nga hari sa Juda, dili gayod ako moatubang kanimo o makigkita kanimo.

Cross References

2 Mga Hari 5:16

Apan siya miingon, “Ingon nga ang Ginoo buhi, siya nga akong gialagaran, ako dili modawat sa bisan unsa.” Ug gipugos niya siya sa pagkuha niini apan siya nagdumili.

1 Mga Hari 17:1

Unya si Elias, ang Tisbihanon, sa Tisbe sa Gilead miingon kang Ahab, “Ingon nga buhi ang Ginoo, ang Dios sa Israel, nga sa atubangan ako nagtindog, walay yamog o ulan niining mga tuiga, gawas kon akong ipamulong.”

Mateo 22:16

Ug gipaadto nila ang ilang mga tinun-an ngadto kaniya kinuyogan sa mga Herodianhon sa pag-ingon, “Magtutudlo, nasayod kami nga ikaw matinud-anon ug nagtudlo sa dalan sa Dios subay sa kamatuoran ug nga ikaw wala magsapayan sa tawo kay wala man ikaw magtan-aw sa panagway sa mga tawo.

Jeremias 1:18

Ug ako nagbuhat kanimo niining adlawa ug usa ka kinutaan nga siyudad, usa ka haliging puthaw ug bronsi nga mga paril batok sa tibuok nga yuta, batok sa mga hari sa Juda, batok sa mga pangulo niini, sa mga pari niini ug sa mga katawhan sa yuta.

Salmo 15:4

sa iyang mga mata gitamay ang tawo nga dunot ug kasingkasing, apan nagtahod siya sa mga may kahadlok sa Ginoo; mobarog sa iyang panumpa bisan kini makasakit kaniya;

1 Mga Hari 21:20

Si Ahab miingon kang Elias, “Nakaplagan ba nimo ako, O akong kaaway?” Ug siya mitubag, “Nakaplagan ko ikaw, tungod kay gibaligya nimo ang imong kaugalingon sa pagbuhat niadtong daotan diha sa panan-aw sa Ginoo.

1 Mga Hari 18:15

Ug si Elias miingon, “Ingon nga ang Ginoo sa mga panon buhi, nga sa atubangan ako nagtindog, ako magpakita gayod kaniya niining adlawa.”