2 Mga Hari 2:8

Ang Biblia 2011

Ug gikuha ni Elias ang iyang kupo ug gilukot ug gihampak ang tubig, ug nabahin kini ug silang duha nanabok agi sa uga nga yuta.

Cross References

1 Mga Hari 19:13

Ug sa pagkadungog ni Elias niini, iyang gitabonan ang iyang nawong sa iyang kupo ug migula ug mitindog sa baba sa langob. Ug dihay miabot nga usa ka tingog ug miingon, “Unsay imong gibuhat dinhi, Elias?”

1 Mga Hari 19:19

Busa mibiya siya gikan didto ug nakita si Eliseo nga anak ni Safat nga nagdaro uban ang napulo ug duha ka yugo sa mga baka nga nag-una kaniya ug siya diha sa ikanapulo ug duha. Ug si Elias miagi kaniya ug miitsa sa iyang kupo ngadto kaniya.

2 Mga Hari 2:14

Ug iyang gikuha ang kupo ni Elias nga nahulog gikan kaniya ug gihampak ang tubig ug miingon, “Hain man ang Ginoo, ang Dios ni Elias?” Ug sa paghampak niya sa tubig, nabahin kini ug si Eliseo mitabok.

Exodo 14:29

Apan ang katawhan sa Israel nanglakaw sa uga nga yuta taliwala sa dagat ug ang tubig nahimong sama sa paril sa ilang tuo ug sa ilang wala.

Isaias 11:15

Ug sa hingpit laglagon sa Ginoo ang dila sa dagat sa Ehipto; iwarawara niya ang iyang kamot ibabaw sa Suba uban sa iyang init nga hangin; ug kini bulagon niya sa pito ka kanal, aron ang mga tawo makalatas nga uga ang mga tiil.

Mga Hebreo 11:29

Tungod sa pagtuo ang mga tawo mitabok sa Dagat nga Pula nga daw sa yuta nga mala, apan ang mga Ehiptohanon, sa pagsulay nila sa paghimo sa ingon, nangalumos.

Mga Hebreo 11:37

Gibato sila, gipikas sila pinaagi sa gabas, gipamatay sila pinaagi sa espada, naglatagaw sila nga nagsul-ob ug mga panit sa mga karnero ug mga kanding, nag-antos sa kawalad-on, mga sinakit, mga dinagmalan—

Gipadayag 16:12

Ang ikaunom nga anghel miyabo sa iyang panaksan sa ibabaw sa dakong suba sa Eufrates, ug nahubsan kini sa tubig aron sa pagtagana ug agianan alang sa mga hari gikan sa silangan.

1 Samuel 28:14

Siya miingon kaniya, “Unsa ang iyang panagway?” Ug siya miingon, “Usa ka tigulang nga tawo ang migula ug siya giputos ug usa ka kupo.” Ug si Saul nakaila nga kadto mao si Samuel, ug iyang giyukbo ang iyang nawong ngadto sa yuta ug mihatag ug katahoran.