2 Mga Hari 2:4

Ang Biblia 2011

Si Elias miingon kaniya, “Eliseo, pabilin dinhi kay gipadala ako sa Ginoo ngadto sa Jerico.” Apan siya miingon, “Ingon nga ang Ginoo buhi, ug ingon nga ikaw buhi, dili ako mobiya kanimo.” Busa miadto sila sa Jerico.

Cross References

2 Mga Hari 2:2

Ug si Elias miingon kang Eliseo, “Pabilin dinhi kay ang Ginoo nagpadala kanako hangtod sa Betel.” Apan si Eliseo miingon, “Ingon nga ang Ginoo buhi, ug ingon nga ikaw buhi, ako dili mobiya kanimo.” Busa sila milugsong ngadto sa Betel.

Josue 6:26

Ug niadtong panahona, si Josue mipahayag ug usa ka panumpa nga nag-ingon, “Tinunglo sa atubangan sa Ginoo ang tawo nga magpatindog ug magtukod pag-usab niining siyudad sa Jerico. Sa bili sa iyang kamagulangan nga anak, ipahiluna niya ang patukoranan, ug sa bili sa iyang kamanghorang anak nga lalaki tukoron niya ang mga ganghaan.”

Lucas 19:1

Unya si Jesus misulod sa Jerico ug miagi niini.

2 Mga Hari 4:30

Unya ang inahan sa bata miingon, “Ingon nga ang Ginoo buhi, ug ingon nga ikaw gayod buhi, ako dili mobiya kanimo.” Ug siya mitindog ug misunod kaniya.

1 Mga Hari 16:34

Sa iyang mga adlaw gitukod ni Hiel nga taga-Betel ang Jerico. Iyang gipahiluna ang patukoranan niini sa bili ni Abiram nga iyang kamagulangan, ug gipahiluna ang mga ganghaan niini sa bili sa kamanghoran nga si Segub, sumala sa pulong sa Ginoo nga iyang gisulti pinaagi kang Josue nga anak ni Nun.

Mga Buhat 11:23

Sa dihang miabot siya ug nakita ang grasya sa Dios, siya nalipay ug iyang gidasig ang tanan sa pagpabilin diha sa Ginoo uban sa kinasingkasing nga katuyoan

Mga Buhat 2:42

Sila migahin sa ilang kaugalingon sa mga pagtudlo sa mga apostoles, ug sa pagpakig-ambitay, sa pagpikaspikas sa pan ug diha sa mga pag-ampo.

1 Samuel 1:26

Ug si Hana miingon, “O akong agalon! Ingon nga ikaw buhi pa, akong agalon, ako kadtong babaye nga mitindog dinhi sa imong atubangan ug nag-ampo sa Ginoo.

Josue 6:1

Karon ang Jerico gitak-opan pag-ayo tungod sa katawhan sa Israel, walay migula ug walay misulod.

Ruth 1:16

Apan si Ruth miingon, “Ayaw ako agdaha sa pagbiya kanimo o sa pagpauli gikan sa pagsunod kanimo, kay bisan asa ikaw moadto ako moadto, ug bisan asa ikaw mopuyo ako mopuyo; ang imong katawhan mahimo nga akong katawhan, ug ang imong Dios mahimo nga akong Dios.