2 Mga Hari 2:20

Ang Biblia 2011

Ug siya miingon, “Dad-i ako ug usa ka bag-ong panaksan ug butangi kini ug asin.” Busa ila kining gidala ngadto kaniya.

Cross References

Sofonias 2:9

Busa ingon nga ako buhi, nag-ingon ang Ginoo sa mga panon, ang Dios sa Israel, ang Moab mahimong sama sa Sodoma, ug ang mga Amonihanon sama sa Gomora, usa ka yuta nga malukop sa mga kadyapa ug sa mga gahong sa asin, biniyaan hangtod sa kahangtoran. Ang mahibilin sa akong katawhan manakmit kanila ug ang salin sa akong nasod manag-iya kanila.

Mga Maghuhukom 9:45

Ug si Abimelek nakig-away batok sa siyudad sa tibuok adlaw. Nailog niya ang siyudad, ug gipamatay ang katawhan nga diha sa sulod ug iyang giguba ang siyudad ug gisabwagan kini ug asin.

Ezequiel 47:11

Apan ang mga dapit niini nga kalapokan ug ang mga lamakan dili mahimong tab-ang; kini igahin alang sa asin.

2 Mga Hari 2:19

Unya ang mga tawo sa siyudad miingon kang Eliseo, “Tan-awa, ang kahimtang niining siyudara makapahimuot, sumala sa nakita sa akong agalon, apan ang tubig dili maayo ug ang yuta walay abot.”

2 Mga Hari 2:21

Unya miadto siya sa tuburan sa tubig, ug gilabay ang asin ug miingon, “Mao kini ang giingon sa Ginoo, ‘Gihimo na nakong maayo kining tubiga, dili na kini makamatay o makakuha sa gisabak.’ ”