2 Mga Hari 2:2

Ang Biblia 2011

Ug si Elias miingon kang Eliseo, “Pabilin dinhi kay ang Ginoo nagpadala kanako hangtod sa Betel.” Apan si Eliseo miingon, “Ingon nga ang Ginoo buhi, ug ingon nga ikaw buhi, ako dili mobiya kanimo.” Busa sila milugsong ngadto sa Betel.

Cross References

Genesis 28:19

Ug kadtong dapita ginganlan niya ug Betel apan sa sinugdan ang ngalan niadtong lungsora Luz.

1 Mga Hari 12:28

Tungod niini ang hari nagpakitambag ug naghimo ug duha ka nating baka nga bulawan ug siya miingon ngadto sa mga tawo, “Igo na ang inyong pagtungas ngadto sa Jerusalem, tan-awa, ang inyong mga dios, O Israel, nga nagdala kaninyo gikan sa yuta sa Ehipto.”

1 Mga Hari 12:29

Ug iyang gibutang ang usa didto sa Betel ug ang usa iyang gibutang didto sa Dan.

1 Mga Hari 12:33

Siya mitungas ngadto sa halaran nga iyang gihimo sa Betel sa ikanapulo ug lima nga adlaw, sa ikawalo nga bulan, sa bulan nga iyang gimugna diha sa iyang kasingkasing. Nagtakda siya ug usa ka kasaulogan alang sa katawhan sa Israel ug miadto sa halaran aron sa pagsunog ug insenso.

2 Mga Hari 2:23

Mitungas siya gikan didto ngadto sa Betel, ug sa nagpaingon pa siya diha sa dalan, may mga batang lalaki nga nanggula gikan sa siyudad ug nagbugalbugal kaniya ug miingon, “Tungas, upaw! Tungas, upaw!”

2 Mga Hari 2:4

Si Elias miingon kaniya, “Eliseo, pabilin dinhi kay gipadala ako sa Ginoo ngadto sa Jerico.” Apan siya miingon, “Ingon nga ang Ginoo buhi, ug ingon nga ikaw buhi, dili ako mobiya kanimo.” Busa miadto sila sa Jerico.

2 Mga Hari 2:6

Unya si Elias miingon kaniya, “Pabilin dinhi kay gipadala ako sa Ginoo ngadto sa Jordan.” Apan siya miingon, “Ingon nga ang Ginoo buhi, ug ingon nga ikaw buhi, dili ako mobiya kanimo.” Ug silang duha mipadayon.

2 Mga Hari 4:30

Unya ang inahan sa bata miingon, “Ingon nga ang Ginoo buhi, ug ingon nga ikaw gayod buhi, ako dili mobiya kanimo.” Ug siya mitindog ug misunod kaniya.

Jeremias 4:2

ug kon ikaw manumpa, ‘Ingon nga ang Ginoo buhi,’ diha sa kamatuoran, sa hustisya ug sa pagkamatarong, ang mga nasod magpanalangin sa ilang kaugalingon diha kaniya, ug diha kaniya sila magpasidungog.”

1 Juan 2:19

Sila namiya gikan kanato, apan sila dili kauban nato kay kon sila kauban pa nato, magpabilin unta sila uban kanato apan namahawa sila aron makita nga silang tanan dili diay kauban nato.

1 Samuel 1:26

Ug si Hana miingon, “O akong agalon! Ingon nga ikaw buhi pa, akong agalon, ako kadtong babaye nga mitindog dinhi sa imong atubangan ug nag-ampo sa Ginoo.

1 Samuel 17:55

Sa diha nga si Saul nakakita nga si David miadto batok sa Filistihanon, siya miingon kang Abner, ang tigmando sa kasundalohan, “Abner, kang kinsang anak kining batan-on?” Si Abner miingon, “Ingon nga ikaw buhi, O hari, dili ako makasugilon.”

1 Samuel 25:26

Busa karon, akong agalon, ingon nga ang Ginoo buhi, ug ingon nga ang imong kalag buhi, sa nakita nga ang Ginoo nagpugong kanimo gikan sa pagpakasala tungod sa dugo, ug gikan sa pagpanimalos pinaagi sa imong kaugalingong kamot, busa karon himoa nga ang imong mga kaaway ug sila nga nangita ug kadaotan sa akong agalon mahisama kang Nabal.