2 Mga Hari 2:19

Ang Biblia 2011

Unya ang mga tawo sa siyudad miingon kang Eliseo, “Tan-awa, ang kahimtang niining siyudara makapahimuot, sumala sa nakita sa akong agalon, apan ang tubig dili maayo ug ang yuta walay abot.”

Cross References

Exodo 23:26

Walay babaye nga makuhaan sa iyang gisabak o dili makaanak diha sa inyong yuta ug tumanon nako ang gidaghanon sa inyong mga adlaw.

Deuteronomio 28:11

Ug ang Ginoo magpadagaya kaninyo diha sa kauswagan, sa bunga sa inyong lawas, sa bunga sa inyong kahayopan, sa mga bunga sa inyong yuta, sa yuta nga gipanumpa sa Ginoo ngadto sa inyong katigulangan nga ihatag niya kaninyo.

Numeros 12:11

Ug si Aaron miingon kang Moises, “O akong agalon, nangaliyupo ako kanimo, ayaw ipatong kanamo ang sala kay sa kabuang nabuhat namo kini ug nakasala kami.

Exodo 15:23

Sa pag-abot nila sa Mara, wala sila makahimo sa pag-inom sa tubig sa Mara kay pait man kini. Tungod niana, ginganlan ang dapit ug Mara.

Exodo 7:19

Ug ang Ginoo miingon kang Moises, “Ingna si Aaron, ‘Kupti ang imong sungkod ug ituy-od ang imong kamot sa ibabaw sa katubigan sa Ehipto, sa ilang mga suba, sa ilang mga kanal, ug sa ilang kadanawan, ug sa tanan nilang mga lim-aw sa tubig, aron mahimo kining dugo. Ug unya adunay dugo sa tibuok kayutaan sa Ehipto, bisan sa mga sudlanan nga kahoy ug sa mga sudlanan nga bato.’ ”

1 Mga Hari 16:34

Sa iyang mga adlaw gitukod ni Hiel nga taga-Betel ang Jerico. Iyang gipahiluna ang patukoranan niini sa bili ni Abiram nga iyang kamagulangan, ug gipahiluna ang mga ganghaan niini sa bili sa kamanghoran nga si Segub, sumala sa pulong sa Ginoo nga iyang gisulti pinaagi kang Josue nga anak ni Nun.

Oseas 9:14

Hatagi sila, O Ginoo, unsa ang imong ihatag? Hatagi sila ug tagoangkan nga kanunayng makuhaan ug uga nga mga suso.

1 Mga Hari 18:7

Samtang naglakaw si Obadias sa dalan, si Elias misugat kaniya ug si Obadias nakaila kaniya ug mihapa ug miingon, “Ikaw ba kana, akong agalon nga Elias?”

Josue 6:26

Ug niadtong panahona, si Josue mipahayag ug usa ka panumpa nga nag-ingon, “Tinunglo sa atubangan sa Ginoo ang tawo nga magpatindog ug magtukod pag-usab niining siyudad sa Jerico. Sa bili sa iyang kamagulangan nga anak, ipahiluna niya ang patukoranan, ug sa bili sa iyang kamanghorang anak nga lalaki tukoron niya ang mga ganghaan.”

Josue 6:17

Unya ang siyudad ug ang tanan nga anaa niini itugyan ngadto sa Ginoo aron laglagon. Si Rahab lamang, ang babayeng nagbaligya sa iyang dungog, ug ang tanan nga uban kaniya sa iyang balay ang mabuhi tungod kay gitagoan niya ang mga sinugo nga atong gipadala.

1 Timoteo 5:17

Ang mga kadagkoan nga maayong nagdumala kinahanglang isipon nga takos sa duha ka pilo nga pasidungog, ilabina kadtong naghago diha sa pulong ug sa pagpanudlo.

1 Mga Hari 18:13

Wala ba kini ikasugilon, akong agalon, kon unsay akong gibuhat sa dihang gipamatay ni Jezebel ang mga propeta sa Ginoo, giunsa nako pagtago ang usa ka gatos ka mga propeta sa Ginoo sa tag-50 sa usa ka langob ug gipakaon silag pan ug tubig?

2 Mga Hari 2:18

Ug sila mibalik kaniya samtang nagpabilin siya didto sa Jerico ug siya miingon kanila, “Wala ba ako moingon kaninyo, Ayaw pag-adto?”

2 Mga Hari 2:20

Ug siya miingon, “Dad-i ako ug usa ka bag-ong panaksan ug butangi kini ug asin.” Busa ila kining gidala ngadto kaniya.