2 Mga Hari 13:6

Ang Biblia 2011

Apan sa gihapon wala sila mobiya sa mga sala sa balay ni Jeroboam nga nakapahimo sa Israel sa pagpakasala apan naglakaw niini ug ang Asera nahibilin usab didto sa Samaria).

Cross References

1 Mga Hari 14:16

Iyang isalikway ang Israel tungod sa mga sala ni Jeroboam nga iyang nahimo ug nakaangin sa Israel sa pagpakasala.”

1 Mga Hari 15:3

Ug nagkinabuhi siya diha sa tanang sala nga gibuhat sa iyang amahan nga una kaniya ug ang iyang kasingkasing dili gayod matinud-anon sa Ginoo nga iyang Dios, sama sa kasingkasing ni David nga iyang amahan.

1 Mga Hari 16:26

Siya naglakaw diha sa mga dalan ni Jeroboam nga anak ni Nebat, ug diha sa mga sala nga naghimo sa Israel sa pagpakasala, nga naghagit sa Ginoo, ang Dios sa Israel, sa pagkasuko tungod sa ilang mga diosdios.

1 Mga Hari 16:33

Ug nagbuhat si Ahab ug usa ka Asera. Ug si Ahab naghimo ug labaw pa aron sa paghagit sa kasuko sa Ginoo, ang Dios sa Israel, kay sa tanang hari sa Israel nga una kaniya.

2 Mga Hari 10:29

Apan wala mobiya si Jehu gikan sa mga sala ni Jeroboam, ang anak ni Nebat, diin gihimo niya nga ang Israel magpakasala sa mga nating baka nga bulawan nga didto sa Betel ug sa Dan.

2 Mga Hari 13:11

Gibuhat usab niya ang daotan diha sa panan-aw sa Ginoo ug wala siya mobiya sa tanang mga sala ni Jeroboam nga anak ni Nebat nga nakapahimo sa Israel sa pagpakasala, apan naglakaw diha niini.

2 Mga Hari 13:2

Ug siya naghimo ug daotan diha sa panan-aw sa Ginoo, ug misunod sa mga sala ni Jeroboam nga anak ni Nebat, nga nakahimo sa Israel sa pagpakasala. Siya wala mobiya gikan niini.

2 Mga Hari 17:16

Ug ilang gisalikway ang tanang mga sugo sa Ginoo nga ilang Dios ug naghimo sila alang sa ilang kaugalingon ug duha ka tinunaw nga mga larawan sa nating baka ug naghimo sila ug usa ka Asera ug nagsimba sa tanang panon sa langit ug nag-alagad kang Baal.

2 Mga Hari 18:4

Iyang giguba ang mga habog nga dapit ug gitumpag ang mga haligi nga bato ug giputol ang Asera ug iyang gidugmok ang bitin nga bronsi nga gibuhat ni Moises, kay hangtod niadtong mga adlawa ang katawhan sa Israel nagsunog man ug insenso alang niini, ug kini gitawag ug Nehustan.

2 Mga Hari 21:3

Kay iyang gitukod pag-usab ang mga habog nga dapit nga gigun-ob ni Hesekias nga iyang amahan, ug nagpatindog siya ug mga halaran alang kang Baal ug naghimo siya ug usa ka Asera, sama sa gihimo ni Ahab nga hari sa Israel, ug nagsimba sa tanang mga panon sa langit ug nag-alagad kanila.

2 Mga Hari 23:4

Unya ang hari misugo kang Hilkias nga labawng pangulong pari, ug sa mga pari sa ikaduhang laray, ug sa mga tigbantay sa tugkaran, sa pagdala ngadto sa gawas sa balay sa Ginoo sa tanan nga mga sudlanan nga gihimo alang sa Baal, alang sa Asera ug alang sa tanang panon sa kalangitan. Ug iya kining gisunog sa gawas sa Jerusalem diha sa mga kapatagan sa Kidron, ug gidala ang mga abo niini ngadto sa Betel.

Isaias 26:10

Kon ang kaluoy ipakita ngadto sa daotan, dili siya makakat-on sa pagkamatarong, diha sa yuta sa kaligdong magbuhat siya ug daotan, ug dili motan-aw sa kahalangdon sa Ginoo.

Deuteronomio 7:5

Apan ingon niini ang buhata kanila: gub-a ninyo ang ilang mga halaran ug dugmoka ang ilang mga haligi ug pukana ang ilang Aserim ug sunoga sa kalayo ang ilang mga kinulit nga larawan.